«Բարսելոնայի» կիսապաշտպան Ժերար Դելոֆեուն կվերադառնա Անգլիա
Կատալոնական «Բարսելոնայի» հարձակվող Ժերար Դելոֆեուն մինչև ընթացիկ մրցաշրջանի ավարտը վարձավճարով հանդես կգա անգլիական «Ուոթֆորդում»: Այս մասին տեղեկացնում է «Sport.es»-ը:
Ֆուտբոլիստի գործակալն արդեն հանդիպել է լոնդոնյան ակումբի ղեկավարության հետ: Չի բացառվում, որ ֆուտբոլիստը երեքշաբթի բուժզննում անցնի ակումբում իսկ չորեքշաբթի` հունվարի 31-ին նշի իր նորամուտը «Ուոթֆորդի» կազմում:
Ֆուտբոլիստը վերադառնում է Անգլիա` բավարար խաղաժամանակ ստանալու համար: Դելոֆեուն ժամանակին վարձավճարով հանդես է եկել «Էվերթոնում»:
Նշենք, որ ընթացիկ մրցաշրջանում 23-ամյա հարձակվողը մասնակցել է Իսպանիայի առաջնության 10 հանդիպման և դարձել 1 գոլի հեղինակ: