Samsung-ը բացահայտել է գաղտնի սմարթֆոնի թողարկման ժամկետները
Հարավկորեական Samsung ընկերությունը նախատեսում է իր ծալովի էկրանով սմարթֆոնը թողարկել մինչև 2018-ի վերջը: Lenta.ru-ի փոխանցմամբ՝ այս մասին ասվում է 2017 թվականի չորրորդ եռամսյակի ֆինանասական հաշվետվության մեջ:
«2018-ին մենք կտարբերվենք առաջադեմ ապրանքների թողարկման շնորհիվ, ինչպես օրինակ՝ OLED էկրանով ծալովի սմարթֆոնների»,- ասվում է ընկերության հաղորդագրության մեջ: Samsung-ը մտադիր է նաև «ամրապնդել առաջնորդությունը» Galaxy S9 մոդելի թողարկմամբ, որը կներկայացվի Բարսելոնայում փետրվարին կայանալիք ցուցադրությանը:
Նշվում է, որ ընկերությունն արդեն փակ ցուցադրությամբ ներկայացրել է գաղտնի սմարթֆոնը CES 2018-ի ժամանակ: