Ամերիկացի կոնգրեսականներին տեղափոխող գնացքը դուրս է եկել գծերից և բախվել բեռնատարի (լուսանկարներ)

Ամերիկյան ազգային երկաթուղային Amtrak փոխադրող ընկերության ուղևորատար գնացքը, որում գտնվել են ԱՄՆ կոնգրեսականները Հանրապետական կուսակցությունից, այսօր վթարի է ենթարկվել՝ բախվելով աղբատար բեռնատարի:

Ինչպես հաղորդում է Associated Press-ը, միջադեպը տեղի է ունեցել Վիրջինիա նահանգի Շարլոտսվիլ քաղաքի մոտակայքում: Աղբյուրի տվյալներով՝ օրենսդիրները չեն տուժել, իսկ բեռնատարի վարորդին բուժօգնություն է ցուցաբերվել: Նշվում է, որ գնացքը մասամբ դուրս է եկել գծերից: