ԵԱՏՄ անդամ երկրները համաձայնեցրել են Միջպետական ավիացիոն կոմիտեի համանման մարմին ստեղծելու մասին փաստաթուղթը
Եվրասիական տնտեսական միության անդամ երկրները համաձայնեցրել են միության շրջանակներում ավիավթարների հետաքննությամբ զբաղվող նոր մարմնի ստեղծման մասին փաստաթուղթը: РИА Новости-ի փոխանցմամբ՝ այս մասին հայտարարել է Ռուսաստանի տրանսպորտի նախարար Մաքսիմ Սոկոլովը:
Ռուսաստանի տրանսպորտի նախարարությունն անցյալ տարի պատրաստել է միջկառավարական համաձայնագրի նախագիծը ԵԱՏՄ նոր կառույցի ստեղծման մասին և այն փոխանցել է Եվրասիական տնտեսական հանձնաժողովի կոլեգիային:
Նախարարը նշել է, որ նոր գերատեսչությունը կարող է աշխատանքն սկսել 2018-ին: Ենթադրվում է նաև, որ Ռուսաստանը դուրս կգա Միջպետական ավիացիոն կոմիտեի (ՄԱԿ) մասին համաձայնագրից:
«Եթե միջկառավարական խորհուրդը հավաքվի ապրիլին, ապա մենք այդ իրադարձության համար նախապատրաստում են Եվրասիական միության անդամներից շատերի հետ համաձայնեցված փաստաթուղթը նոր եվրասիական ՄԱԿ-ի ստեղծման մասին: Այն գտնվում է մշակված վիճակում, ես կապի մեջ եմ իմ գործընկեր նախարարների հետ, և այժմ ավարտին են հասցվում ներքին պետական ընթացակարգերը անդամ երկրներից յուրաքանչյուրում», - ասել է Սոկոլովը: