Իտալացի հանրահայտ տենորը Երևանում կհնչեցնի ստեղծագործություններ սիրո մասին
Հանրահայտ իտալացի տենոր Ալեսանդրո Սաֆինան, որին Հայաստանում մեծ ճանաչում բերեց «Luna» երգը, հանդես կգա Երևանում: Երգիչը ելույթ կունենա Հայաստանի պետական սիմֆոնիկ նվագախմբի հետ՝ դիրիժոր Նիկոլա Սիմոնի ղեկավարությամբ: Մենահամերգին, որը տեղի կունենա փետրվարի 13-ին «Արամ Խաչատրյան» համերգասրահում, Սաֆինան կկատարի իր՝ բոլոր ժամանակների հանրածանոթ և գեղեցիկ սիրո երգերը: