Ազատության մեջ եմ, ամեն ինչ կարգին է․ Կարեն Վանեցյանն արձագանքել է ձերբակալվելու մասին լուրերին
Exoil Group հոլդինգի սեփականատեր, ԱԱԾ նախկին տնօրեն Արթուր Վանեցյանի եղբայրը՝ Կարեն Վանեցյանը, РБК-ին հայտնել է, որ ազատության մեջ է․
«Ես ազատության մեջ եմ, ինձ մոտ ամեն ինչ լավ է, գրասենյակն աշխատում է»,-ասել է Վանեցյանը՝ նշելով, որ ոչ մի ձերբակալություն չի եղել։
Ավելի վաղ ԶԼՄ-ներում լուրեր էին շրջանառվել, որ Մոսկվայում ձերբակալել են ԱԱԾ նախկին տնօրեն Արթուր Վանեցյանի եղբորը՝ գործարար Կարեն Վանեցյանին։
Կարեն Վանեցյանի փաստաբանական խումբը հայտարարություն էր տարածել, որ Կարեն Վանեցյանը գտնվում է ազատության մեջ և տարածվող լուրերն այն մասին, որ վերջինս անազատության մեջ է՝ չեն համապատասխանում իրականությանը: