СҚО-ға қосымша көмір жеткізіледі

ПЕТРОПАВЛ. ҚазАқпарат - Петропавлда жеке сектор тұрғындарына көмір жетіспеуде, деп хабарлады «ҚазАқпарат» ХАА тілшісі. 
Жеткізушілерде көмірдің болмауына жекеменшік үй тұрғындары ғана емес, монша, хауыз иелері де алаңдаулы. Олардың кейбірі егер жағдай өзгермесе, қызметкерлердің біразын еңбекақысы сақталмайтын демалысқа жіберуге тура келетінін айтуда. СҚО энергетика және тұрғын үй-коммуналдық шаруашылық басқармасындағылар таяуда қалаға қосымша көмір жеткізілетінін хабарлады.