Акылбек Осмоналиев президенттин иш башкаруучусунун 1-орун басары болду

Акылбек Осмоналиев президент жана өкмөттүн иш башкаруучусунун биринчи орун басары болуп дайындалды. Тиешелүү буйрукка президент Сооронбай Жээнбеков кол койду.


Акылбек Осмоналиев Жээнбеков премьер-министр кезинде өкмөт аппаратынын жетекчиси болуп эмгектенген. Ага чейин Улуттук статистика комитетинин төрагалыгын аркалаган эле.


Президенттин иш башкаруучусунун буга чейинки орун басары Ренат Түлөбердиев ушул аптада Мамлекеттик мүлктү башкаруу фондунун директорлугуна дайындалган. (BkA)