Көчмөндөр оюндарына Шотландиядан атайын келген тоолуктар Кырчындын көркүн чыгарып, өз өнөрүн көрсөттү. Этегин парпырата күүлөнүп, алыска салмоор таш ыргытуу менен килейген торсунду чимирилте ыргыткан таймаштар Шотландияда өтүүчү Тоолуктар оюнунан да бир элес бергендей. "Тоолуктар оюну менен Көчмөндөр оюну окшош экен", - дейт шотланд спортчусу Нил Эллиотт.
