Улуттар уюмунун Башкы ассамблеясынын 73-сессиясынын бүгүн жалпы дебаттардын экинчи күнү. Анда кечээ сөз алган АКШ президенти Дональд Трамп дүйнө мамлекеттерин Иран өкмөтүн ал “агрессиялык” деп атаган саясатты улантып жатканы үчүн изоляциялоого чакырса, өз кезегинде Иран президенти Хасан Роухани АКШны “экономикалык терроризм” үчүн айыптады. Трамп 26-сентябрда Иран проблемасын БУУнун Коопсуздук кеңешинин отурумунда төрагалык кылган учурда да көтөрөт деп күтүлүүдө.
