Новости за 06.03.2018

Түндүк Кореянын лидери Ким Чен Ын Түштүк Кореянын өкүлдөрүн “ачык маанайдагы” сүйлөшүүгө чакырып, “ишке чындап киришүүгө эрки бекем” экенин айтты.     Ким бийликке келгенден бери Сеулдун өкүлдөрү менен 5-мартта биринчи жолу кездешти. Буга чейин эки Кореянын ортосунда мамиле Пхеньяндын өзөктүк программасынан улам чыңалып келген. Түндүк Кореянын мамлекеттик медиасы Ким Чен Ын төрт саатка созулган кечки тамак маалында “улуттук биригүүнүн жаңы тарыхын” жазуу ниети бар экенин айтканын кабарлады. ... Читать дальше...

Жабыркаган кыздын жакындары Өзгөн райондук сотунун мындай чечимине нааразы болуп, Ош облустук сотуна апелляциялык арыз менен кайрылышканын маалымдашты. Алар облустук соттон шектүүнү өмүр бою абакка кесүүнү өтүнүп жатышат. Жакындарынын айтымында, 16 жаштагы кызды өгөй атасы мурда эле зордуктап жүргөн. Бул тууралуу секелектин боюна бүтүп, төрөгөндөн кийин белгилүү болгон. Бул окуя боюнча 2018-жылдын 27-февралында Өзгөн райондук соту кыздын өгөй атасын күнөөлүү деп таап, 15 жылга эркинен ажыраткан. Читать дальше...

Президент Сооронбай Жээнбеков Орусиядагы президенттик шайлоодо азыркы президент Владимир Путиндин жеңишин каалайт.  Президент бул тууралуу 6-мартта маалымат каражаттарынын жетекчилери менен жолугушуу учурунда билдирди.  Жээнбеков "Путин Орусиянын экономикалык жана коргоонуу мүмкүнчүлүктөрүндө ийгилик жаратууда" деди. Ал ошондой эле Орусия эл аралык аренада чоң кадыр-баркка ээ экенин айтты.   2010-жылдан бери кыргыз бийлиги Орусияны ишенимдүү өнөктөшү катары санап жрт. Владимир Путин 2000-2004-жылдары президент болуп шайланган. Читать дальше...

Журналисттер менен жолугушуу Сооронбай Жээнбеков президенттик кызматка киришкенден бери алгачкы жолу уюштурулуп жатат.

Президент Сооронбай Жээнбеков сөз эркиндиги өнүгүүнүн мотору экенин билдирди. Ал 6-мартта Кыргызстандагы маалымат каражаттарынын жетекчилери менен жолугушууда сөз эркиндигин колдой турганын, бирок ар бир жарандын тагдырына жоопкерчилик менен мамиле жасалышы керектигин, өзү басма сөз жана коомчулук менен кызматташууга даярдыгын, ар дайым ачыктыгын айтты: - Биз маалымат каражаттарында чыккан ар бир кабарга жооп беребиз. ЖМК - бийлик менен элдин ортосундагы көпүрө. Саясий маданиятты калыптандырууда журналисттердин таасири чоң. Читать дальше...

Тегерандагы Улуттук музейге Париждин Лувр музейинде сакталган 50дөй экспонат жеткирилди. Иран тарыхында алгачкы жолу Батыш музейи чоң көргөзмө уюштурууда. Ислам Жумурияты менен алакаларды оң жолго салыш үчүн Франция маданий дипломатияны да ортого салууда. Экспозицияны Франциянын тышкы иштер министри Жан Ив Ле Дриан ачты. Быйыл Ирандын Улуттук музейи 80 жылдыгын белгилеп жатат. Аны франциялык Андре Годар түзгөн. Парижден алынып келген баалуу экспонаттардын арасында байыркы египеттик сфинкстер, Рим императору Марк Аурелийдин бюсту... Читать дальше...

Түркия, Орусия жана Иран эмки айда Сириядагы кырдаалды жана аймактагы абалды талкуулай турганын Түркиянын тышкы иштер министринин басма сөз катчысы Хамид Аксой 6-мартта билдирди. Ал саммит кайда өтөөрүн айткан жок. Орусия менен Иран маалыматты ырастай элек. Анкарадагы басма сөз жыйынында Аксой Түркия сириялык күрттөргө курал-жарак бербөөнү Вашингтондон суранарын айтты. АКШ менен Түркиянын расмий өкүлдөрү 8-9-мартта Вашингтондо кездешет.   Түркиянын тышкы иштер министри Мевлүт Чавушоглу киийинки аптада Москвага... Читать дальше...

Президент Сооронбай Жээнбеков 6-мартта маалымат каражаттарынын жетекчилери менен жолугушууда Жогорку Кеңеш депутаты Дамирбек Асылбек уулунун Казакстанда кармалышы тууралуу пикирин билдирди. Жээнбеков бул окуяны катуу кабыл алганын айтып, Дамирбек Асылбек уулу "жеңил ойлуулук кылганын" билдирди. Ал Казакстан акыйкат тергөө жүргүзөт деген ишеничте экенин жана бул өлкөнүн ишине киришпей турганын белгиледи. Парламенттеги  “Кыргызстан” фракциясынын депутаты Дамирбек Асылбек уулу быйыл 17-февралда Казакстанда аткезчиликке шектүү катары кармалган.

"Арча" коомдук фонду change.org сайтында Бишкекте бак-дарактарды кыюуну токтотууну талап кылып кол топтоп жатат. Фонд Бишкектин мэри Албек Ибраимовго, вице-мэр Эркинбек Исаковго кайрылуу жиберди. Анда бак-дарактар шаардын экологиялык коопсуздугун камсыз кылып тургандыктан, аларды кыюуну токтотууга чакырык ташталган.  Фонддун маалыматына караганда, бир кезде "жашыл шаар" атка конгон Бишкекте акыркы 25 жыл ичинде бак-дарак кескин азайып кетти. Маселен, 1980-жылдарда шаардын бир тургунуна 30 чарчы метр жашыл аянт туура келсе... Читать дальше...

Би-Би-Си Орусияда "мамлекеттик чыккынчылык кылган" деп айыпталып, түрмөгө кесилген Башкы чалгын башкармалыгынын мурдагы офицери Сергей Скрипал Англиянын Солсбери шаарында белгисиз зат менен ууланган болушу мүмкүн экенин билдирди. 66 жаштагы Скрипал жекшембиде соода борборунда өзүн начар сезгенден кийин ооруканага түшкөн. Аны менен чогуу жүргөн аял да ооруканага жаткырылган. Британ бийлиги азырынча эч кандай комментарий бере элек. Би-Би-Си кызматынын кабарчысы бул окуяны 2006-жылы Александр Литвиненконун ууландырылышы менен салыштырат. Читать дальше...

Мамлекет башчы Сооронбай Жээнбеков 6-мартта маалымат каражаттарынын жетекчилери менен жолугушууда президенттик аппараттын башчысы Фарид Ниязов боюнча комментарий берди.  Жээнбеков "Фарид Ниязов - мыкты мамлекетчил, мамлекеттик башкаруудагы мыкты менеджер. Ал тууралуу эч ким эч качан жаман нерсе жазган эмес" деди:  - Ал менин шайлоо алдындагы штабымды жетектеди. Ал жакка президенттик аппараттын жетекчисинин кызматынан келди. Биз эгер мен шайлоодо жеңсем, ал кайра президенттик аппараттын жетекчисинин кызматына кайтаарын макулдашканбыз. Читать дальше...

Жапониянын тарыхында биринчи жолу согуштук кемелердин тобун аял офицер жетектемей болду. Биринчи рангдагы капитан Рөко Адзуманын кол астында төрт кемеден турган флотилия жана бир миңдей киши бар. Бүгүн Йокосука аскер базасында өткөн салтанатта Адзума жаңы кызматына киришти. Жапон бийлиги куралдуу күчтөргө аялзат өкүлдөрүн көбүрөөк тартууну көздөйт. Азыр алардын саны жалпы аскерлердин 6% гана түзөт. 44 жаштагы Адзума Жапонияда Экинчи дүйнөлүк согуштан кийин курулган эң чоң кемени да башкармакчы. Читать дальше...

Өзгөчө кырдаалдар министрлигинин маалыматы боюнча, 5-мартта "Сейтек" базарындагы өрттүн кесепетинен болжол менен 700 чарчы метр аянт күйгөн.

Базар-Коргондо күйөөсү үч баласы менен таштап кеткен келин көчөдө калышы мүмкүн. Мындай абалга кириптер болушуна кайнатасынын сотко кайрылганы себеп болду.

Учурда Ош базарындагы "Сейтек" соода жайындагы чыккан өрттүн себептери аныкталууда. Бул тууралуу Бишкектин Ленин районунун акими Нурдин Тынаев билдирди.  - Өрт атайын коюлган деген версия деле каралат. Азыр эксперттер иштеп жатат. Биринчи өрттө деле ушундай сөз болгон. Анда иликтөөнүн жыйынтыгы "зымдар тийишип кеткен" деп чыкты. Эми бул да иликтенип жатат, - деди ал.  Өзгөчө кырдаалдар министрлигинин маалыматы боюнча, 5-мартта "Сейтек" базарынан чыккан өрт үч сааттан кийин, 00:40та толук өчүрүлгөн. Читать дальше...

Кыргызстандын Билим берүү жана илим министрлиги мектеп директорлоруна "акыркы коңгуроодо" акча чогултууга жана белек алууга тыюу салды. Тиешелүү буйрукка билим берүү жана илим министри Гүлмира Кудайбердиева кол койгонун мекеменин басма сөз кызматы билдирди. Ага ылайык, быйыл мектептерде акыркы коңгуроо 25-майда саат 9.00дө болот.  Салтанат учурунда окуучулардын коопсуздугун камсыз кылуу жоопкерчилиги билим берүү мекемелеринин жетекчилерине жүктөлдү.   Райондук жана шаардык билим берүү бөлүмдөрүнө күнү-түнү күзөт уюштуруу... Читать дальше...

Өзбек парламентинде өкмөттүк кызматкерлерге үйлөнүү тойлоруна барууга тыюу салган токтом даярдалууда. Бул тууралуу президент Шавкат Мирзиёев өзү айтып чыкты.

Соңку 24 саатта бери ооган армиясынын аба соккуларынан кеминде 31 киши, анын ичинде “Ислам мамлекети” террордук уюмуна кирген жоочулар өлтүрүлгөнүн өлкөнүн Коргоо министрлиги 6-мартта билдирди.   Министрлик 17 шектүү жоочу жарадар болуп, экөө камалганын кабарлады. Билдирүүдө өлкө боюнча согушкерлер баш калкалаган жана курал-жарак каткан жерлерге кеминде 13 жолу абадан сокку урулганы айтылат. Аскердик операциялар Нангахар, Кунар, Газни, Пактика, Кандагар, Забул, Фарах, Бадгиз, Кундуз, Тахар, Фаряб... Читать дальше...

Улуттук коопсуздук боюнча мамлекеттик комитет баштапкы маалыматтар боюнча салык жана бажы органдарынын, Экономика министрлигинин айрым кызматкерлери "2016-2018 жылдары мамлекетке 217 млн. сом зыян келтирген" деген шек менен кылмыш ишин козгоду. Бул тууралуу УКМК кабарлады. УКМКнын маалыматына караганда, ыкчам иликтөө иштеринин жыйынтыгында коррупциялык схеманын негизинде бюджеттик казынадан ири суммадагы каражат чыгарылып кеткен. Башкача айтканда, айрым юридалык фирмалар Кытайдан импорттолгон товарларга... Читать дальше...

Жогорку Кеңештин Эл аралык иштер, коргоо жана коопсуздук комитети юстиция министри Уран Ахметов менен Мамлекеттик миграция кызматынын жетекчиси Медетбек Айдаралиевди кызматтан алууну премьер-министрге сунуш кылды. Комитет төрагасынын орун басары, КСДП фракциясынын депутаты Абдывахап Нурбаев "Азаттыкка" билдиргендей, мындай чечим бүгүнкү жыйында кабыл алынды. Комитет жыйынында "Миграция жаатындагы компетенттүү органдарды түзүү боюнча кыргыз-орус өкмөт аралык келишимин ратификациялоо жөнүндө" мыйзам... Читать дальше...

Эгер "кайсы кесиптин ээси болсом" деп башыңыз катып жатса, анда мен сизге ойлонбой туруп CODE үйрөнүп, IT адиси болууну сунуш кылам.

Кыргызстанда 7-мартта түнкүсүн Чүй, Талас, Ош, Жалал-Абад, Баткен облустарынын айрым жерлеринде жаан, тоо этектеринде жана тоолуу райондорго кар жаайт. Күндүз Чүй, Талас, Ош, Жалал-Абад, Баткен облустарында мезгил-мезгили менен жаан жаап, тоо этектеринде жана тоолуу райондордо кар түшөт. Батыштан келген шамалдын ылдамдыгы секундуна 4-9 метрден 15-20 метрге жетет.  Абанын температурасы: Чүй өрөөнүндө түнкүсүн 2…7, 3…8; Суусамырда түнкүсүн -10…-15, күндүз -5…-10; Таласта түнкүсүн 1…6, күндүз 3…8; Баткенде түнкүсүн 3…8... Читать дальше...

Түркияда кайнисинин колунан ажал тапкан Екатерина Четиндин сөөгү Кыргызстанга 7-мартта келгени жатат. Кыргызстандын Тышкы иштер министрлиги  "Жүк-200дү" жибериш үчүн маркумдун жакындары менен документ иштери такталганын билдирди.  Быйыл 27-февралда Анталиянын Манавгат аймагында 34 жаштагы Четинди өз үйүндө кайниси муунтуп өлтүрүп, андан кийин полиция чакырганы кабарланган.  Анталия шаардык прокуратурасы окуя боюнча кылмыш ишин козгогон. Маркумдун теги Кыргызстандан экени ачыкка чыккан. Иштин материалдарына караганда... Читать дальше...

Кыргызстандагы "Сөз эркиндигин коргоо комитетинин" маалыматында доого жыгылган журналисттерди колдоо үчүн чогулган акчанын суммасы 398 595 сомду түздү. Ошондой эле "Демократия жана жарандык коом үчүн" коалициясы "Медиа Фокус" коомдук уюмунун эсебине 2-март күнү 53 миң сом которгон. Бул тууралуу "Сөз эркиндигин коргоо комитетинин" өкүлү Адил Турдукулов маалымдады. - Акча чогултууну "Сөз эркиндигин коргоо комитети” баштаган. Мунун максаты мыйзамсыз чечимдер менен ири сумманы төлөп берүү эмес, коомчулуктун бул маселеге көңүлүн буруу болчу. Читать дальше...

Түркиянын Стамбул шаарындагы кыргызстандык студенттер, мигранттар жана ишкерлер шаардын тарыхый аймагы Таксимде калпак кийип жөө жүрүш жасашты. Чогулгандар тарыхый Истиклал көчөсү менен жөө басып баратып, жергиликтүү тургундарга жана туристтерге кыргыз калпагы тууралуу айтып беришти.