Новости за 28.03.2018

"Урал авиалиниялары" компаниясы Тажикстандын авиация жетекчилигин "рынокту жалгыз ээлеп алууга аракет кылууда" деп айыптады. Бул тууралуу компания тараткан билдирүүдө айтылат. Маалыматка караганда, 24-марттан 25-мартка караган түнү, кышкы жадыбалдан жайкы жадыбалга өтүү маалында Тажикстандын авиация жетекчилиги эскертүү бербестен орус компаниялары жүргүзгөн каттамдардын санын 30% кыскарткан. Авиакомпания жай мезгилиндеги учуу тууралуу бардык талаптарды аткаруу менен 50 күн мурда билдирүү жөнөткөнүн ырастоодо. Читать дальше...

Түркмөнстандын түндүгүндө эл ун тартыштыгына байланыштуу жүгөрү унунан жасалган загыра нанын жегенге аргасыз.  "Буудай унун таба албагандар жүгөрүнүн унунан нан жаап жатышат. Тандырдан жаңы чыкканда жакшы эле. Бирок бир күндөн кийин катып калат, сындырууга мүмкүн эмес. Андыктан аялдар загыраны күн сайын бышырат. Элди былтыр дагы жүгөрү сактап калган", - деди Дашогуз облусунун жашоочусунун бири. Анын айтымында, учурда жүгөрүнүн бир килограммы эки манаттан беш манатка (1 доллар 3,5 манаттын тегереги) чейин кымбаттады. Читать дальше...

Бул тууралуу Ак үйдүн сайтында жазылды. Вашингтон алгачкы жолу санкцияларды 2015-жылы 1-апрелде киргизген. 2016-жылы декабрда санкциялар кеңейип, тизмеге Орусиянын ФКК, Башкы чалгын башкармалыгы жана анын жетекчилиги, башкармалык менен байланышы бар компаниялар кирген. Санкция алардын АКШга киришине тыюу салып, Америка аймагындагы алардын банк эсептерин жабат.  Жардык кабыл алынгандан кийин, 2016-жылы АКШ орусиялык 35 дипломатты чыгарган. Алар орус чалгын кызматы менен байланышы бар деп ше саналып жатат. Читать дальше...

Түндүк Кореянын лидери Бээжинге келип, Кытай компартиясынын төрагасы Си Цзиньпин менен жолукканын Кытай менен Түндүк Кореянын маалымат каражаттары жазып чыгышты. Ал дүйшөмбү күнү Си Цзиньпиндин чакыруусу менен келгени Ким Чен Ын Пхеньянга кайтып кеткенден кийин жарыяланды.  "Синьхуа" агенттиги Ким Чен Ын Кытай лидерине АКШ президенти Доналд Трамп менен сүйлөшүүгө даяр экенин билдиргенин жазды. Маалыматта Кытайдын төрагасы Корей жарым аралында "абалды оңдоо" аракети үчүн Түндүк Кореяны кубаттай тургандыгы жазылган. Читать дальше...

Учурда өлкөдөгү бардык базарлардын, соода борборлорунун, окуу жайларынын жана эл көп чогулуучу жайлардын коопсуздук абалы текшериле баштады. Бул тууралуу "Азаттыкка" өкмөткө караштуу Экологиялык жана техникалык коопсуздук боюнча мамлекеттик инспекциянын өрт көзөмөл башкармалыгынын башкы инспектору Жумгал Асанов билдирди: - Биздеги базар болобу, соода борборлору болобу, бардыгында өрт коопсуздугунун алдын алуу маселеси начар иштелип чыккан. Учурда бизде көпчүлүк курулуштар пластик, пенопласт менен курулуп жатат. Читать дальше...

Жарандык активисттер 27-мартта президент Сооронбай Жээнбековго кайрылып, 5-мартта Жогорку соттун имаратынын алдында өткөн митингде коюлган талаптар боюнча жооп беришин суранышты. Алар "президент коррупцияга каршы күрөштү баштаган соң, аягына чыгышы керек" деп белгилешкен. Кайрылуу ээлеринин бири, жарандык активист Адил Турдукуловдун "Азаттыкка" айтканы боюнча, кайрылууга 5-мартта нааразылык акциясына чыккан бардык адамдар кол коюшкан: - Митингде коюлган талаптар унутулбайт. Биз "анда сот, укук коргоо органдарын тазалаш керек... Читать дальше...

Былтыр 21-июлда Ош мэриясы жергиликтүү жаранга Сулайман тоосунун түштүк тарабындагы 436 чарчы метр жерге "түрдүү курулуш курууга" уруксат берген. Бирок бул жер Ош шаарынын башкы планы боюнча жалпы пайдалануудагы тилке болгон. Мындан тышкары ал жер тектоникалык туруксуз тилке катары саналып, ал жактагы жашоочуларды жана курулуштарды башка жакка көчүрүү каралган.  Жалпы пайдалануудагы тилке Жер кодекси боюнча беш жылдык мөөнөткө гана жеңил-желпи курулуштарды тургузуу уруксаты менен берилерин белгилеген... Читать дальше...

Орусияда 28-март Кемерово алааматында набыт болгондорду эскериш үчүн улуттук аза күтүү күнү деп жарыяланган. Бүгүн трагедиянын айрым курмандыктарынын сөөгү жерге берилет. 25-мартта шаардагы "Кышкы алча" же "Зимняя вишня" деп аталган оюн- зоок соода борборунда чыккан өрттөн 64 киши набыт болгон, басымдуу бөлүгү балдар.  27-мартта Орусиянын ондогон шаарларында жашагандар бул трагедияда мерт болгондор үчүн аза күтүштү. Адамдар өздөрү тургузган мемориалдарга шам жагып, гүлдөр менен оюнчуктарды алып келип жатышты. Читать дальше...

Орусиянын дипломатиялык изоляцияга алынышы жөнүндө Москвадагы «Цивилизациялар диалогу» институнун илимий изилдөөлөр боюнча жетекчиси,  саясат таануучу Алексей Малашенко «Азаттыктын» суроолоруна жооп берди.