Новости за 07.02.2019

Павлодар облусунун өзгөчө кырдаалдар кызматынын кабарлашынча, Баянаул районунун Узун-Булак айылындагы жеке үйдөн 6-февраль күнү кечки саат тогуз жарымда төрт адамдын сөөгү табылган. Алардын баары бир үй-бүлөнүн мүчөлөрү болушкан. Кырсыктан жубайлар жана алардын 14 жаштагы кызы, 11 жаштагы уулу каза тапкан. Алдын ала иликтөөлөрдө алар газга ууланып каза тапканы аныкталган. Бир нече адам көз жумган окуя боюнча укук коргоо органдары иликтөө иштерин баштады. Баянаул районунун ички саясат башкармалыгынын башчысы Нурсултан Шайхиндин айтымында... Читать дальше...

Йемендин куралдуу күчтөрүнүн басма сөз катчысы Сауд Аравия баштаган коалициянын күчтөрү Йемендин Аль-Ходейда порт-шаарында ок атпоо режимин 172 жолу бузганын билдирди.

Дүйнөлөшүү жүрүмүнүн шартында өлкөбүздөгү ажайыпканалар тарых чындыгын жаңыча чагылдырышы керек.  Кыргызстандын борборундагы Мамлекеттик тарых музейинин көйгөйлөрүнө байланыштуу тарыхчынын пикири.

Ош облусунун Кара-Кулжа районунун Тоготой айылында жолбун иттер 20га жакын койду тиштеп өлтүрүп, 20-30дай койду чалажан кылып кетти. Бул тууралуу “Азаттыкка” аталган айылдын тургундары кабарлады. Жолбун иттер бир нече тургунга тиш салган учурлар да катталды. Маалыматты Тоготой айылы баш ийген Кашка-Жол айыл округунун жетекчиси Шайырбек Рахманберди уулу жарым-жартылай ырастап,  кырылган койлордун саны айтылгандан азыраак экенин билдирди. Ал мунун алдын алуу үчүн бир нече күндөн бери округда 40тай жолбун ит атылганын... Читать дальше...

Армениянын премьер-министри Никол Пашинян март айынын башында Иранга иш сапары менен барат.

Бишкек шаарында өрттө каза тапкан эки кишинин тек-жайы такталууда. Иликтөөнү Октябрь райондук милициясы жүргүзүп жатат.  Анын алдында эки адамдын өлүмү тууралуу Өзгөчө кырдаалдар министрлиги кабарлаган. Алар 6-февралда Элебаев жана Скрябин көчөлөрү кесилишкен жайдагы павильондо чыккан өрттө көз жумушкан.

Орусиянын эки аймагында 2017-жылдын апрель айынан бери тыюу салынган "Жахабанын күбөлөрү" диний уюмунун өкүлдөрү кармалды. Ханты-Мансийск автоном округунда кармалгандар “Жахабанын күбөлөрү эмес адамдардан өздөрүн өйдө көргөн үгүттөрдү жасашканы” айтылат. Маалыматта алар "мыйзамсыз жыйын өткөрүү, экстремисттик идеяларды жайылтып, тыюу салынган диний топко жаңы адамдарды тартуу" менен алектенген деп шектелүүдө. Кармалгандардын саны боюнча азырынча так маалымат жок. Ошол эле кезде Мордовия Автоном... Читать дальше...

Венесуэланын армиясы социалисттик президент Николас Мадуронун буйругу менен АКШдан гуманитардык жардам алып келе жаткан автокербенди өткөрбөө максатында чек араны жаап салды. Мадуро анын эли кайыр сурабай турганын айтып, жардам алууну “кемсинтүүгө” барабар деп эсептейт. Экономикалык жана социалдык кризиске кептелип, тамак-аш тартыш болуп жаткан Венесуэла элине Америкадан гуманитардык жардам жиберилгенин өткөн аптада өзүн “утурумдук президент” катары жарыялаган Хуан Гуайдо айткан. Азырынча гуманитардык... Читать дальше...

Москвада 5-6-февралда өткөн эки күндүк сүйлөшүүгө 40тай коомдук ишмер жана “Талибандын” он жогорку жетекчиси катышты. Ооган коомунун кадыр-барктуу өкүлдөрүн мурдагы президент Хамид Карзай жетектеп барган. Эки тараптын Ооганстандын "Tolo News" телеканалына айтканына караганда, алар сүйлөшүүнү улантуу үчүн жакынкы мезгилде Катардын борбору Дохада жолугушууну макулдашкан. АКШнын Ооганстан боюнча атайын чабарманы Залмай Халилзад менен “Талибан” кыймылынын өкүлдөрүнүн эки жума мурда Катардын борбор... Читать дальше...

Жалал-Абаддын Ноокен районуна караштуу Шамалды-Сай кыштагында 1989-жылы курулушу башталган №26 Тургунбай Анаркулов атындагы мектептин имараты бүтпөй турат. Бул тууралуу "Азаттык" радиосуна облустук капиталдык курулуш башкармалыгынын башчысы Заирбек Кыралиев билдирди. Союз мезгилинде башталган чоң мектептин курулушу каржы маселесинен улам токтоп калган. Эки жыл мурда курулуш иштери кайра жанданган. - Быйыл каражат бөлүнсө, 2019-жылы мектеп ишке берилет,- деди Кыралиев. Азырынча быйыл мектеп курулушуна каражат бөлүнгөнбү же жокпу... Читать дальше...

Техникалык мүчүлүштүктөн улам Бишкек-Стамбул багытындагы учак "Манас" эл аралык аэропортунда учпай токтоп турат. "Pegasus" компаниясынын PC701 каттамы 7-февралда таңкы саат 7:05те учмак. Жүргүнчүлөр учакка отургузулгандан кийин техникалык кемчилик аныкталып, элди кайра түшүрүшкөн. Каттам саат 10:30га жылдырылып, ал деле аткарылбай калды. Түркиянын "Pegasus" компаниясынын Кыргызстандагы өкүлчүлүгү катары иштеген "Эйр Манас" компаниясынын башчысы Талгат Нурбаев "Азаттыкка" учак саат 11ге жакын оңдолуп бүтүп... Читать дальше...

Тубаса көзү азиз Гүлназ Жүзбаева өзүнүн аракети менен мектепти, жогорку окуу жайды ийгиликтүү бүтүп, учурда Борбор Азиядагы Америка университетинде билим алууда. Дүйнөнүн бир катар өлкөлөрүн кыдырган. Кыргызстанда “Көзү азиздердин федерациясын” түзүп, майыптарды коомго кошууга багытталган акысыз тренингдерди уюштуруп келет.

Президент Сооронбай Жээнбеков Орусиянын президенти Владимир Путин менен телефон аркылуу сүйлөшүп, анын Кыргызстанга боло турчу мамлекеттик сапары жөнүндө пикир алмашышты. Бул тууралуу президенттик аппараттан кабарлашты. Сүйлөшүүдө мамлекет башчылары эки жана көп тараптуу кызматташуу жана буга чейин жетишилген макулдашууларды ишке ашыруу жөнүндө да сөз кылышты. Быйыл мартта Орусиянын президенти Владимир Путин Кыргызстанга мамлекеттик сапар менен келет. Мартта ошондой эле өлкөлөрдүн өкмөттөрүнүн ортосундагы комиссиянын отуруму өтөт. Читать дальше...

Маалымат технологиялары жана байланыш комитети 12-февралдан тарта "Коопсуз шаар" долбоору иштей баштарын билдирди. Камералар жол коопсуздугундагы жети эреже бузууну аныктайт.  1.Светофордун тийиштүү чырагына баш ийбөө; 2. Карама-каршы тилкеге чыгуу;  3. Жол четинде, тротуарда, веложолдо, көк шиберде жана жөө жүргүнчүлөр өтчү тилкеде автоунаа айдоо;  4. Светофордун токтотуу белгисиндеги өтүү;  5. Жөө жүргүнчүлөр өтчү тилкедеги эрежелерин сактабоо; 6. Ылдамдыкты чектен ашыруу.  7. Автоунаа токтотуучу жерлердин... Читать дальше...

8-февралда көпчүлүк аймактарда кар жаайт. Жолдорго муз тоңуп, тоолуу райондордо кар күрткүсү болот. Батыштан соккон шамалдын ылдамдыгы секундасына 4-9, Ысык-Көл ойдуңунда 15-20 метрге жетет. Абанын температурасы: Чүй өрөөнүндө түнкүсүн -12...-17, күндүз -2...-7, Талас жергесинде түнкүсүн -11...-16, күндүз -2...-7, Жалал-Абад, Баткен, Ош облустарында түнкүсүн -2...-7, күндүз -1...+4, Ысык-Көл дубанында түнкүсүн -7...-12, күндүз -2...-7, Нарын аймагында түнкүсүн -18...-23, күндүз -8...-13... Читать дальше...

Премьер-министр Мухаммедкалый Абылгазиев катышкан Финансы министрлигинин коллегиялык жыйынында 2018-жылга карата өлкөнүн бюджетин аткаруунун жыйынтыктары талкууланды. Бул тууралуу өкмөттүн аппараты кабарлады. Жыйында республикалык бюджет 135 437,6 млн. сом суммасында киреше жана 142 071,5 млн. сом суммасында чыгашаларды эске алганда 6 633,9 млн. сом дефицит менен аткарылганы айтылды. Дефицит мурдагы жылдарга салыштырмалуу азайганын өкмөт башчы жетишкендик катары баалады. «Оңдуу учурлардын катарында... Читать дальше...

Казакстанда “бийликти күч менен басып алууга чакырык жасаган” деп айыпталып жаткан Маңгыстау облусунун тургуну Айгүл Акбердиева акталды. Мындай чечимди 6-февралда Актау шаардык соту чыгарды. Сот ошондой эле негизсиз кылмыш жоопкерчилигине тартылганы үчүн ага келтирилген зыянды калыбына келтирүү тууралуу да чечим чыгарганын адвокат Жанар Сундеткалиева билдирди. Акбердиеванын күйөөсү Абловас Жумаев да ушундай эле айып менен былтыр күзүндө үч жылга эркинен ажыратылган. Жубайлардын төрт баласы бар. Читать дальше...

Бүгүн Коопсуздук кеңешинин жыйыны өттү. Анда мурдагы президент Алмазбек Атамбаевдин кол тийбестиги, Райымбек Матраимовдун мүлкү тууралуу да сөз болду.

Жол коопсуздугун камсыз кылуу башкы башкармалыгынын жетекчиси Канат Жумагазиев Бишкек шаардык Ички иштер башкармалыгынын жетекчиси болуп дайындалды.  Бишкек милициясынын мурдагы жетекчиси Сталбек Рахманов Күбөлөрдү мамлекеттик коргоо башкармалыгына башчы болду. Бул мекеменин мурдагы башчысы Ички иштер министрлигинин (ИИМ) Башкы штабына жетекчи болуп келди. Бул тууралуу ИИМдин басма сөз кызматы кабарлады. Маалыматта министр Кашкар Жунушалиевдин пикири белгиленип, кадрдык өзгөрүүлөр иштин натыйжалуулугун... Читать дальше...

Экономика чөйрөсүндөгү ийгиликтер илимдин өнүгүүсү менен жаралат.

Мурдагы өкмөт башчы Сапар Исаковдун адвокаты Нурбек Токтакуновдун билдирүүсү боюнча текшерүү жүргүзүлбөйт. Бул тууралуу Коопсуздук кеңешинин катчысы Дамир Сагынбаев билдирди.  Токтакунов парламенттин депутаттары Асылбек Жээнбековду, Каныбек Иманалиевди, Кожобек Рыспаевди, Курманбек Дыйканбаевди Бишкек Жылуулук электр борборун (ЖЭБ) модернизациялоо иши боюнча жоопкерчиликке тартууну сунуш кылган.  Адвокат Кытайдын ТВЕА компаниясы менен макулдашууну ратификациялоодо парламенттин ошол кездеги төрагасы... Читать дальше...

Коопсуздук кеңешинин катчысы Дамир Сагынбаевдин пикиринде экс-президент Алмазбек Атамбаевге карата кылмыш иши кол тийбестиктен ажыраган жана кимдир бирөө көрсөтмө берген учурда козголушу мүмкүн: - Кылмыш жоопкерчилигине тартуу боюнча, бул жерде маселе кызмат адамдарына байланышкан кылмыш иштин алкагында гана каралат. Эгер сотто каршы көрсөтмө берилсе, ал кылмыш жоопкерчилигине тартылат, - деген Сагынбаев азырынча андай көрсөтмө жоктугун кошумчалады.  Экс-президенттин коол тийбестик макамын алып... Читать дальше...

Мурдагы каржы министри Ольга Лаврова Кыргызстандан эч жакка кеткен жок. Ал "Газпром-Кыргызстан" компаниясында жетекчинин орунбасары кызматында иштеп жатат. Бул тууралуу аталган мекемеден "Азаттык" радиосуна билдиришти.  Буга чейин айрым сайттар Ольга Лаврова өлкөдөн чыгып кеткени тууралуу маалыматтар бар экенин жазышкан. УКМК муну бышыктаган да, четке каккан да жок. Чек ара кызматы бул тууралуу маалымат берилбей турганын айткан.  Бишкек Жылуулук электр борборунда (ЖЭБ) 2018-жылдын январында болгон... Читать дальше...

Орусиянын Орел шаарында Даниянын жараны Деннис Кристенсен "Жахаба күбөлөрү" диний уюмунун жергиликтүү бөлүмүн жетектегени үчүн күнөөлүү деп табылып, алты жылга эркинен ажыратылды. Соттун өкүмү 6-февралда чыкты.

Өткөн кылымда соолуп, бүткүл Борбор Азияда экологиялык көйгөй жараткан Арал деңизи кайра толот деген ишеним барбы? Албетте, бул жомоктой сезилет. Анткен менен Арал деңизинин айланасындагы балыкчылар Кичи Арал көлү пайда болгондон бери, чөлдө калган кемелер кайра сүзө турган күн келээр деп үмүттөнүшөт. ("Азаттыктын" казак кызматы даярдаган тасма).