Новости за 05.07.2019

"Кытай бийлиги Шинжаң аймагында атайлап мусулман үй-бүлөлөрдө ата-энелер менен балдарын ажыратуу аракетин көрүп жатат", - деп Би-би-си 5-июлда чыгарган кеңири макаласында жазды. Журналисттер ондогон үй-бүлөлөр менен сүйлөшүп, бир катар документтер менен таанышкандан кийин ушундай бүтүмгө келишкен. Алардын айтымында, бир гана чакан шаарда 400 баланын ата-энеси лагерлерде камалып жаткандыктан интернаттарга жайгаштырылган. Ошол эле маалда мектеп-интернаттардын курулушу кеңири жүрүп жатканы аныкталган. Читать дальше...

АКШнын Түштүк Калифорния штатында күчү 6,4 баллга жеткен зилзала катталды. Силкинүүнүн эпкини Лас-Вегаста жана коңшу Невада шаарында сезилди. Курман болгондор тууралуу маалымат жок. Жаракат алгандардын саны тактала элек. Бир нече үйдө өрт чыгып, Рижкрест шаарындагы оорукананын имаратына доо кеткени кабарланды. Мындай жер титирөө бул штатта 1999-жылы катталган. Анда зилзаланын күчү 7,1 баллга жеткен. Сейсмологдор силкинүү кайталанышы мүмкүн экенин боолгоп жатышат.

Залкар аскер башчы (амир-и лашкер), Кокон хандыгынын мамлекеттик ишмери Алымкул Асан бий уулунун (1831–1865) элесине арналган кезектеги эл аралык илимий жыйын 5-июлда ЖАМУда өтмөкчү. Бул окуяга байланыштуу тарыхчынын блогу.

Бишкекте сабалып, оор жарааттан улам каза болгон чет элдик Али Абубакардын сөөгү Бишкектеги көрүстөндөрдүн бирине коюлат. Бул тууралуу ал иштеген "Cambridge School" тил үйрөнүү мектебинин өкүлү “Азаттыкка” билдирди. Анын жаназасы шаардагы мечиттердин биринде 13:30да окулат. Маалыматка караганда, маркумдун мурда дагы Кыргызстанда жашап кеткен иниси Бишкекке келген. Нигериянын 34 жаштагы жараны 2-июлда «Айчүрөк» соода борборунун алдында токмок жеп, оор абалда ооруканага түшкөн. Ошондон бери комадан чыга элек болчу. Читать дальше...

Орусиянын тышкы иштер министрлигинин расмий өкүлү Мария Захарова Ирандын төмөн байытылган урандын запасын көбөйтүү чечими АКШ санкцияларынын натыйжасы болуп саналарын билдирди.

Ысык-Көлдүн Ак-Суу районундагы “Хан-Теңири” лагеринде барымтага алынган 48 жаштагы аял базага келди. Ал жабыркаган эмес. Аны кылмышка шектүү Сергей Смирнов өзү коё бергени маалым болду. Бул тууралуу “Азаттыкка” облустук милициянын басма сөз катчысы Сталбек Усубакунов билдирди. Азырынча кылмышка шектүү кармала элек. Учурда милиция жана чек ара кызматынын кызматкерлери шектүүнү кармоо иштери жүргүзүп жатат. Ички иштер министрлиги белгисиз жаран Ысык-Көл облусундагы "Хан-Теңири" лагеринин жетекчисинин... Читать дальше...

Бишкек шаардык соту бүгүн, 5-июлда камактагы экс-башкы прокурор жана мурдагы депутат Аида Салянованын бөгөт чарасын карап, аны абакта калтырды. Сотко Салянованын өзү алынып келген жок. Жактоочу аны менен кечээ жолугуп чыкканын, ден соолугу начарлап, дем ала албай калып жатканын белгиледи. Салянованын жакындары жана тарапташтары соттун чечимине нааразы болуп, парламенттин алдына келишти. Алар мурдагы баш прокурор “Убактылуу тергөө абагында (СИЗО) мыйзамсыз отурганын” белгилеп жаташат. Буга чейин... Читать дальше...

Ички иштер министрлиги белгисиз жаран Ысык-Көл облусундагы "Хан-Теңири" лагеринин жетекчисинин орун басарын жана ошол жерде иштеген кызматкерди атып өлтүрүп, бир аялды барымтага алып из жашырып кеткенин бүгүн, 5-июлда кабарлады. Окуя 4-июлда болгону белгиленген. Бири алган жараатынан ошол жерде, ок жеген экинчи киши медициналык жардам көрсөтүү үчүн чек ара тозотуна алынып келаткан кезде каза болгон. “Окуя болгон учурда ашканада тамактанып отурган жылкычы, Түп районунун 33 жаштагы И. У. аттуу тургуну ок аткан кишини кармоого аракет көргөн. Читать дальше...

Эл акыны Элмирбек Иманалиев комуздун коштоосунда кыргыз саясатчыларына кайрылуу жасады. Автор чоңдорго арнаган ырында Кыргызстандын бүгүнкү саясий абалы тууралуу кеп козгоп, саясатчыларга ачуу сын айткан.

Европа Биримдигинин (ЕБ) тышкы саясат боюнча жогорку өкүлү Федерика Могерини ЕБдин Борбор Азия өлкөлөрү менен болгон мамилесинин келечеги тууралуу пикирин билдирип, аймактагы өлкөлөрдү Брюсселдин «табигый өнөктөштөрү» деп атады.

“Ала-Арча” мамлекеттик резиденциясында ишкер аялдардын улуттук форуму өтүп жатат. “Кыргызстанда аялдардын ишкердиги: жаңы күч” деп аталган конференцияга өлкөнүн бардык аймактарынан келген ишкер айымдар катышууда. Форумдун ачылышында сөз сүйлөгөн вице-премьер-министр Алтынай Өмүрбекова бул жер ишкерликтин бардык багытын талкуулап, дагы көп аялдарды тартуунун натыйжалуу чараларын иштеп чыгуучу аянтча болорун белгиледи. Иш-чаранын түштөн кийинки бөлүгүнө премьер-министр Мухаммедкалый Абылгазиев катышары күтүлүүдө. Читать дальше...

Бишкек шаардык соту бүгүн, 5-июлда камактагы экс-башкы прокурор жана мурдагы депутат Аида Салянованын бөгөт чарасын карап жатат. Сотко журналисттер жана тарапташтары киргизилген жок. Адвокат буга чейин Биринчи май райондук сотунун Салянованы 26-августка чейин камакта калтырган чечимине каршы шаардык сотко даттанган. Салянова кримтөбөл Азиз Батукаевдин мөөнөтүнөн мурда түрмөдөн бошоп чыгышына шектүү катары быйыл 3-июнда камакка алынган. Эки күндөн кийин Бишкектин Биринчи май райондук соту аны 26-июнга... Читать дальше...

Кыргызстанда Алмазбек Атамбаевдин кол тийбестигин алуу аны азыркы бийлик менен курч тирешүүгө жеткирди.

Экономикалык кылмыштарга каршы күрөш боюнча мамлекеттик кызмат (Финансы полициясы) мектеп бүтүрүүчүлөрүнүн аттестаттарынын ката басылып чыкканы боюнча сотко чейинки өндүрүш иштерин баштады. Катага байланыштуу фактылар кылмыштардын жана жоруктардын бирдиктүү реестрине катталды. Аталган мекеме тараткан маалыматка караганда, 2019-жылы орто мектепти аяктаган бүтүрүүчүлөр үчүн ар кандай ката менен жазылган 95 миң аттестат тапшырылган. Социалдык тармактарга Нарын облусунун Туз айылындагы мектепте берилгени белгиленген... Читать дальше...

Кеплер: Ирандын жаратылыш газынын экспорту өсүүдө.

Кыргызстандын Мамлекеттик Бажы кызматы 37 кызматкердин иштен кеткенин ырастады. Мекеменин басма сөз катчысы Жаманак Мусуркановдун "Азаттыкка" билдиришинче, 2018-жылы өкмөттүн чечимине ылайык, ошол кездеги жетекчилик 89 штаттык бирдикти кыскартуу тууралуу буйрук чыгарган. Алардын теңинен көбү буга чейин иштен кеткен же бош орундарга жайгаштырылган. Андан калган 37 киши буйрукка ылайык эми жумуштан алынды: "2018-жылы штаттык бирдикти кыскартуу тууралуу өкмөттүн токтому чыккан. Ошондо 89 кишини Бажы... Читать дальше...

Орусия президенти Владимир Путин өрт кырсыгына учураган суу алдындагы кеме атомдук энергия менен иштегенин билдирди. Бул тууралуу орус президенти Владимир Путиндин коргоо министри Сергей Шойгу менен жолугушуусунда маалым болду. Министр кеменин реактору коопсуз абалда экенин билдирди. Кырсык болгондон үч күн өткөндөн кийин, 4-июлда болгон жолугушууда Путин алгачкы жолу бул аскердик кеме атомдук энергия менен иштегенин ачыктап отурат. "Кемедеги ядролук реактор толугу бойдон изоляцияга алынды. Читать дальше...

Кошмо Штаттар Гибралтар кысыгына жакын жерде мунай ташыган ирандык танкерди Британиянын кармап алышын “мыкты жаңылык” деп атады. Ал эми Тегеран бул окуяны “мыйзамсыз кармоо” деп баалады. «Мыкты жаңылык: Улуу Британия Ирандын мунайын жүктөп, Европа Биримдигинин санкцияларын бузуу менен Сирия тарапты көздөй жөнөп бараткан Грейс-1 танкерин колго түшүрдү, - деп жазды 4-июлда АКШнын улуттук коопсуздук боюнча кеңешчиси Жон Болтон. Анын айтымында, Америка жана өнөктөштөрү Тегерандын, Дамасктын режимдерине... Читать дальше...

Илимпоздор киттерди деңизге кое берүү боюнча биринчи аракет ийгиликтүү жүзөгө ашканын билдиришти. Маалыматка караганда, эми калгандарын да сууга кое берүү аракети көрүлөт. Буга чейин окумуштуулардын дарегине суу жаныбарларын мыйзамсыз кармап алышканы тууралуу сындар айтылган.  Бирок 4-июлда журналисттердин суроолоруна жооп берип жатып Бүткүл орусиялык Балык чарбасы жана океанография боюнча илимий-изилдөө институтунун директору Кирилл Колончин окумуштуулардын мындан башка аргасы жок болгонун билдирди. Читать дальше...

Бишкек шаардык соту бүгүн, 5-июлда камактагы экс-башкы прокурор жана мурдагы депутат Аида Салянованын бөгөт чарасын карайт. Бул тууралуу Салянованын адвокаты Рабига Садыкова "Азаттыкка" билдирди. Адвокат буга чейин Биринчи май райондук сотунун Салянованы 26-августка чейин камакта калтырган чечимине каршы шаардык сотко даттанган. Салянова кримтөбөл Азиз Батукаевдин мөөнөтүнөн мурда түрмөдөн бошоп чыгышына шектүү катары быйыл 3-июнда камакка алынган. Эки күндөн кийин Бишкектин Биринчи май райондук... Читать дальше...

Суусамырдагы Көкөмерен дарыясына агып кеткен эне-баланын сөөгү табыла элек. Өзгөчө кырдаалдар министрлиги 4-июлда сууга кулап кеткен автоунаанын ичиндеги кишилердин арасынан өкмөттүн Чүй облусундагы өкүлчүлүгүнүн аппарат башчысы Молдакун Абдылдаевдин сегиз жаштагы небере кызынын сөөгү табылганын билдирди. Ага чейин Абдылдаев жана анын айдоочусунун сөөктөрү табылган. Азыр аялы менен 26 жаштагы уулу изделип жатат. Молдакун Абдылдаевдин үй-бүлөсү жана айдоочу түшкөн автоунаа 30-июнда кырсыктап, Көкөмерен суусуна агып кеткен. Читать дальше...

Мындай маалыматты сабалган нигериялыктын достору, тааныштары кабарлап жатышат. Башкалаадагы «Cambridge School» тил үйрөнүү мектебинде иштеген Нигериянын 34 жаштагы жараны 2-июлда«Айчүрөк» соода борборунун алдында токмок жеп, оор абалда ооруканага түшкөн. Ошондон бери комадан чыга элек болчу. Милиция аны урганга шектүүнү эртеси күнү кармап, камакка алган. Ал Ысык-Көл облусунун 22 жаштагы тургуну болуп чыккан. Окуя тууралуу видео Интернетке да тараган. Анда эс-учун жоготуп жаткан кара терилүү кишиге жарандар жардам берип жатканы тартылган. Читать дальше...

Лондондун соту Казакстандын сенатынын төрайымы, экс-президенттин кызы Дарига Назарбаеванын уулу Айсултанды күрөөгө бошотту. Айсултан Назарбаев 4-июлда Британияда өз жанын кыюуга жолтоо болду деген полиция кызматкерин тиштеп алганы тууралуу дооматты четке какканын "Court News" сайты жазып чыкты. Маалыматка караганда, сот Айсултан Назарбаевди «ооруканада дарылануу» шарты менен күрөөгө бошоткон. Бул иш боюнча кийинки отурум 2020-жылдын 20-мартында өтөт. Айсултан Назарбаев 5-июнда баңгизат колдонгон... Читать дальше...

«Air Arabia» авиакомпаниясы 5-июлдан тарта Бириккен Араб Эмирлигинин Шаржа шаарынан Бишкекке туруктуу түз каттам жүргүзө баштайт. Буга чейин Кыргызстандын Тышкы иштер министрлиги каттам жумасына төрт жолу болот деп билдирген.  Шаржа-Бишкек каттамы өкмөттүн 2013-2023-жылдарга туризмди өнүктүрүү программасынын алкагында ишке ашууда. Кыргызстандан ушул тапта Орусиянын бир канча шаарына, Түркиянын Стамбул, Анталия шаарларына, Өзбекстандын, Казакстандын борборлоруна жана Бириккен Араб Эмирлигинин Дубай шаарына түз каттамдар бар.