Новости за 22.03.2022

Москванын Лефортово райондук соту оппозициячыл саясатчы Алексей Навальныйдын – алдамчылык жана сотту кемсинтүү иши боюнча соттук окуп жатат. Иш айыпталуучу жаза мөөнөтүн өтөп жаткан Орусиянын Владимир облусунун Покров шаарында көчмө жыйында каралууда. Навальныйдын командасы отурумдун жүрүшүн түз эфирде көрсөтүүдө. Судья Маргарита Котоева биринчи эле сөзүндө Навальный алдамчылыкка барганын билдирди. Ошол себептүү айыптоо корутундусу чыгат деп күтүлүүдө. Өкүмдү угузуу процессине 100гө жакын журналист келди. Читать дальше...

Ош эл аралык аэропортунда 2 килограммга жакын алтын буюмдарды аткезчилик жол менен алып бараткан Өзбекстандын жарандары кармалды. Бул тууралуу Ош облустук ички иштер башкармалыгынан кабарлашты. Маалыматка караганда, кармалган төрт киши жакын туугандар болушкан. Алар 19-мартта Оштон Бишкекке учуп жатканда кармалган. Милиция тараткан маалыматта, Өзбекстан жарандары андан ары чет өлкөгө учууну пландаганы белгиленген. Текшерүү учурунда алардын жанынан алтындан жасалган шакек, билерик сыяктуу зер буюмдар табылган. Читать дальше...

Кыргыз коомунда акыркы күндөрү той-аш жана маркумду акыркы сапарга узатуу зыйнатындагы ысырапкорчулуктун алдын алуу демилгеси кызуу талкуу жаратты. Бул сыяктуу жөрөлгөлөрдө мал-жандык союлуп, түркүн даам дасторконго коюларын көрүп жүрөбүз. Азыр экиге бөлүнүп жаатташкандардын бир тарабы муну канга сиңген каада-салтыбыз катары белгилесе, экинчи жээктегилер бул жөрөлгөлөр эбак эскирип, жакырчылыкка гана түртүп жатканын жүйө келтирүүдө. Дин жолундагылар да талкууга кошулуп, шариятта мындай жосунга уруксат жок экенин... Читать дальше...

Бишкектин Биринчи май райондук соту 22-мартта укук коргоочу Азиза Абдирасулованы "Майда бейбаштык" беренеси боюнча актады. Сот Укук бузуулар жөнүндө кодекстин 126-беренесинде көрсөтүлгөн жосунсуз жоруктардын белгиси жоктугуна байланыштуу ишти кыскартты. Ага карата экинчи берене - "Укук коргоо органдарынын талаптарына баш ийбөө" боюнча жараян 24-мартка белгиленди. Буга чейин укук коргоочулар Өндүрүш Токтонасыров менен Динара Ошурухунова  дагы ушул берене боюнча акталган. Ал эми Токтонасыров ... Читать дальше...

Кремлдин позициясын жактаган “Комсомольская правда” гезити өз сайтында Украинадагы согушта орусиялык 9861 аскер өлгөнүн жазып, бир нече убакыттан кийин маалыматты кайрадан өчүрүп койду. DPA жана The Wall Street Journal маалымат агенттиктери кабардын интернеттеги архивдик сайттарда сакталып калган версиясына таянуу менен аны өз платформаларында басышты. Ага ылайык маалыматты, гезит Орусиянын Коргоо министрлигинен алганын жазган. “Комсомольская правда” кийин кабардын өчүрүлүшү тууралуу түшүндүрмө берип... Читать дальше...

АКШнын президенти Жо Байден орус армиясынын Украинадагы ийгиликсиз аракеттеринен улам Орусиянын президенти Владимир Путин эмне кыларын билбей, бурчка такалгандай абалга келгенин билдирди.  Ал Вашингтондо бизнестин өкүлдөрү менен жолугушууда  Путин “канчалык дубалга такалган сайын, ошончолук агрессивдүү аракеттерге барып жатканын” белгиледи. Буга мисал катары Орусиянын добуштан ылдам куралды колдонгонун мисал келтирди. АКШ президенти Москва Украинада химиялык курал колдонушу мүмкүн деген кооптонуусун билдирди. Читать дальше...

Улуу Британиянын мамлекеттик программасына ылайык, айыл чарбасындагы мезгилдүү жумуштарга иштегени 18 жаштан жогорку курактагы кыргызстандыктар бара алышат. Бул тууралуу эки өлкөнүн тиешелүү тармактары макулдашты. Мурдагы келишимдер менен Түштүк Кореяга да ишке барууга кезектеги тестирлөө башталат. Британия тарап менен түзүлгөн жаңы макулдашуу жана башка өлкөлөргө жумушка орношуу шарттары тууралуу Эмгек жана социалдык коргоо министрлигинин алдындагы жарандарды чет өлкөгө ишке орноштуруу борборунун директору Кубандык Акматбеков айтып берди. Читать дальше...

Украинада cогушта каза болгону айтылып жаткан жигит Ысык-Көл облусунда туулуп-өскөнү маалым болду. Ысык-Көл районунун Кара-Ой айыл аймагынын башчысы Эрлан Жумеков 22-мартта "Азаттыкка" билдиргендей, маркумдун сөөгү Кыргызстанга келе элек. “Сөөктү бул жакка алып келе элек. Күтүп жатышат. Атасы бул жакта. 2002-жылкы бала экен. Орусиянын жараны. Башка маалымат жок” - деди Жумеков. Украинада согушта кыргыз жигит каза болгону тууралуу маалымат алгач 17-мартта чыккан. "Фейсбук" колдонуучулардын бири... Читать дальше...

Орусияны колдогондор 22-мартта Бишкектин Максим Горький атындагы гүлбакта акцияга чыгышты. Катышуучулар Кыргызстан менен Орусиянын желегин көтөрүп алышкан. Айрымдары "Биз Путин үчүн", "Биз фейкке каршыбыз" деген жазууларды, Орусиянын президенти Влдамир Путин менен Чеченстандын лидери Рамзан Кадыровдун сүрөтүн көтөрүп турушат. Арасында Жогорку Кеңештин мурдагы депутаты Евгения Строкова, саясат таануучу Токтогул Какчекеев, саясий эксперт Бакыт Бакетаев, Коммунисттер партиясынын жетекчиси Клара Ажибекова, студент, окуучулар бар. Читать дальше...

Ички иштер министрлиги жарандарды жеңил, тез аранын ичинде киреше убада кылган каржылык пирамидаларына катышпоого чакырды.  Мекеме өлкө ичинде каржылык пирамидалардын бир нече түрү бар экенин эскертип, алардын тизмесин жарыялады. Аны менен бул жерден окуп таанышсаңыз болот. ИИМ ар кандай каржылык схемаларды алгач талдап, расмий органдардан маалымат алып чечим кабыл алуу керектигин белгиледи. Министрликтин билдирүүсүндө, былтыр биринчи жарым жылдыкта каржы пирамида ишмердүүлүгүнө байланыштуу... Читать дальше...

Министрлер кабинети Салык кызматынын алдында "Салык Сервис" деген аталыштагы мамлекеттик мекеме түздү. Буга байланыштуу чечимге Министрлер кабинетинин төрагасы Акылбек Жапаров кол койгонун өкмөттүн басма сөз кызматы кабарлады. "Салык сервис" жарандарга салык милдеттенмелерин аткаруу жана натыйжалуу башкаруу үчүн жагымдуу шарттарды түзүүгө көмөк көрсөтүү максатында түзүлгөн. Мамлекеттик мекеменин милдеттерине салык органдарынын маалыматтык системаларын түзүү, өркүндөтүү, колдоо жана үзгүлтүксүз иштешин камсыз кылуу кирет. Читать дальше...

Каракол шаарында кайнагасы менен келининин ортосунда жаралган жер талаш. Көзү азиздер жана дүйлөйлөр коомунун Тоң райондук уюмунун ишине карата сын пикир. “Эл үнү” берүүсүнүн кезектеги чыгаралышында. Туугандар ортосундагы мүлк талаш Каракол шаарынын тургуну Альбина Нарынбаева көзү өтүп кеткен атасынан калган жерди туугандары талашып жатканын айтып, "Азаттыкка" кайрылды. Ал атасы кайтыш болгондон кийин апасына калган кыймылсыз мүлктүн бир бөлүгүн атасынын бир туугандары Рахим, Равшан Нарынбаевдер ээлеп алып... Читать дальше...

Кыргызстандын Балдар укугу боюнча ыйгарым укуктуу өкүлү Жыпариса Рысбекова ээлеген кызматынан бошотулду. Бул тууралуу жарлыкка мамлекет башчысы Садыр Жапаров кол койгонун президенттин басма сөз кызматы 22-мартта билдирди. Ушул эле күнү бул кызматка Асел Чынбаева дайындалды. 48 жаштагы Чынбаева билими боюнча юрист, былтыр февраль-октябрь айларында Юстиция министрлигин жетектеген. Ал парламенттик, өкмөттүк аппараттарда жана эл аралык долбоорлордо эмгектенген. (RK)

Бишкектин Биринчи май райондук соту Next TV телеканалынын жактоочуларынын арызын канааттандыруудан баш тартты. 22-марттагы отурумда сот арызды карап, телеканалдын кызматкерлерине дээрлик үч жумадан бери жабык турган кеңсеге кирүүгө уруксат берген жок. Каналдын жетекчиси, саясатчы Равшан Жээнбеков сот чечимдерин басым катары баалоодо: “Телеканал чыкпай койсо деле болот. Бирок анын жабылышы Кыргызстанда сөз эркиндигине, эркиндикке жана демократияга басым болуп эсептелет”. Буга чейин Next TVнын... Читать дальше...

“Бийлик сырлары” берүүбүздүн бул жолку коногу Жогорку Кеңештин төрагасынын мурдагы орун басары Бахтияр Фаттахов болду. Ал маегинде мамлекеттик кызматка кантип келгенин, кантип министр болгонун, ара жолдо калган “Биримдик” партиясы, Акаевдин Өзбекстанга биринчи расмий сапары, бийликтин шайлоо тизмесине кирбей калганы, Мадумаров менен шайлоого бирге барганы, Ош окуяларынын себептери, кесепеттери ж.б. кеп козгойт.

Бишкектин Биринчи май райондук соту укук коргоочу Өндүрүш Токтонасыровду  "Майда бейбаштык" беренеси боюнча актады. Сот Укук бузуулар жөнүндө кодекстин 126-беренесинде көрсөтүлгөн жосунсуз жоруктардын белгиси жоктугуна байланыштуу ишти кыскартты. Ал эми экинчи берене - "Укук коргоо органдарынын талаптарына баш ийбөө" боюнча 3 миң сом айып салды. Судья аны тыюу салынган жерде акция өткөргөнү менен негиздеди. 17-мартта укук коргоочулар Өндүрүш Токтонасыров, Динара Ошурахунова, Азиза Абдирасулова... Читать дальше...

Украинанын Борисполь шаарынын мэри калаа тургундарын колдон келсе башка жактарга бара турууга чакырды. 21-мартта кезектеги видеокайрылуусунда мэр Владимир Борисенко “Согуш жүрүп жаткан башка шаарлардын тажрыйбасы көрсөткөндөй, жайкын тургундар канчалык азыраак болсо, аскерлердин иши ошончолук жеңилирээк болот. Ишеним телефондоруна чалып, мүмкүн болсо шаардан кетиңиздер. Шарты жокторго жардам беребиз, өз алдынча кетүүгө шарты барлар машина менен колонна болуп чыга берсеңиздер болот” деп айтты. ... Читать дальше...

Уланбий Абдрахимов Жалал-Абаддагы Базар-Коргон райондук маданият үйүндө жетекчи катары иштеп жатканына бир жыл болду. Бул аралыкта ал чакан музей уюштуруп, үн жаздыруу студиясын ачып, 20дай китепти аудиолоштурду. Жаш жетекчинин бир күндүк иши менен таанышып келдик.

Кыргызстандагы коронавирус менен күрөшүү боюнча республикалык штаб АКШ менен Европада коронавирустун "дельта" жана "омикрондун" мутациясын айкалыштырган варианты (гибрид) аныкталганын билдирди. Маалыматка караганда, жаңы штаммдын генетикалык ырааттуулугу февраль айында GISAID эл аралык маалымат базасында Франциядагы бейтаптан январда алынган үлгүдөн аныкталган. Андан соң жаңы вариант вирустук геномдордун чечмелөөсүндө дээрлик элүү жолу (Дания, Германия, Нидерланды жана АКШда) кездешкен. Жаңы... Читать дальше...

Мээрим Молдалиева Жумгал районунун Байзак айылдык кеңешинин төрайымы. 28 жаштагы кыз 2015-жылы автокырсыкка кабылып, бутунан майып болуп калган. Бирок бул нерсе ага тоскоолдук кылган жок. Айылдагы активист катары өзүнүн кыймыл-аракети, эмгеги менен башкаларга үлгү болгусу келет.

Март айынан тартып Орусиядан Өзбекстанга акча которуу көлөмү кыйла азайганын 22-мартта “Азаттыктын” өзбек кызматы Өзбекстандын Борбордук банкынын төрагасы Мамаризо Нурмуратовго таянып жазды. Нурмуратовдун айтымында, март айынын биринчи жарымындагы көрсөткүч былтыркы жылдын ошондой эле мезгилине салыштырганда кыйла төмөндөдү. Бирок башкы банктын төрагасы мындай көрүнүш орус рублинин куну түшүп кеткенине гана байланыштуу деп так айтуу мүмкүн эместигин, эмгек мигранттарынын акчаны которуу же которбой... Читать дальше...

Жогорку Кеңештин депутаттары 22-марттан 26-мартка чейин аймактарды кыдырат. Парламенттин басма сөз кызматы эл өкүлдөрү бул убакытта шайлоочулар менен иш алып бара турганын билдирди. Шайлоочулар менен жолугушуу чечими парламенттин бейшембидеги жыйынында кабыл алынган. Жогорку Кеңештин 7-чакырылышы 2021-жылы 28-ноябрда шайланып келди. 90 депутаттан турган VII чакырылыш 29-декабрда ишин баштаган. 2021-жылы жүргөн конституциялык реформага ылайык 90 депутаттын 36сы бир мандаттуу округдардан шайланат. Читать дальше...

Бишкек мэринин милдетин бир күн аткарган “Эмма строй” курулуш компаниясынын башкы директору Эрмек Нургазиев тергөө иштери бүткөнгө чейин №1 тергөө абагына камалды. Бул маалыматты "Азаттыкка" Чүй облустук милициясы ырастады. Расмий маалыматка караганда, Нургазиев алдамчылыкка шек саналып 18-мартта кармалган. Тергөөнүн маалыматы боюнча, 2019-жылдын июль айынын башында ИИМге Нургазиевге байланыштуу жамааттык арыз түшкөн. Ал турак жай курулуш кооперативдеринин биринин төрагасы болуп туруп, мурда сатылган батирлерин кайра сатып жиберген. Читать дальше...

Бишкектин Биринчи май райондук соту Орусиянын Украинага кол салганына каршы чыккан укук коргоочу, жарандык активист Өндүрүш Токтонасыровго байланыштуу ишти карап жатат. Анда Токтонасыров коюлган айыптарга макул эмес экенин, акция учурунда тартип коргоо органдарына каршылык көрсөтпөгөнүн билдирди. "Элчиликтин алында акция, митинг өткөрүүгө болбой турганын тартип коргоо органдары бир саат бою түшүндүрүшкөн жок, окуп беребиз деп айтып, бирок окуп дагы беришкен жок. Акцияга баруу тууралуу мени эч ким үндүгөн эмес, чакырган жок. Читать дальше...

Кыргыз өкмөтү айыл чарба товарларынын айрым түрлөрүн экспорттоого убактылуу тыюу салды. Мындай чечим өлкөнүн азык-түлүк коопсуздугун камсыздоо жана азык-түлүк баасын турукташтыруу максатында кабыл алынган. Бажы төлөмү алынган азыктар экспорттолбойт Министрлер кабинетинин токтому менен алты айга Евразиялык экономикалык биримдигинин аймагынан тыш жакка буудай жана меслин, ун, өсүмдүк майы, кумшекер, күн карама уругу жана жумуртканы экспортоого чектөө салынды. Аталган азыктарды Кыргызстанга импорттоодо кошумча нарк салыгы алынбайт. Читать дальше...