Новости за 27.06.2022

Кыргызстандык балбандар Таирбек Жумашбек уулу жана Мухаммад Абдуллаев 26-июнда Бишкекте жыйынтыкталган күрөш боюнча 23 жашка чейинкилер арасындагы Азия чемпионатында алтын медал утту. Эркин күрөштөн 61 килограмм салмакта финалда Жумашбек уулу казакстандык Ассылжан Есенгелдини 8:6 эсебинде утту. Финалга чейин Жумашбек уулу монголиялык, түркмөнстандык жана бахрейндик балбандарды жеңген. Күрөштүн бул түрүнөн 79 килограмм салмакта Мухаммад Абдуллаев алтын байге үчүн беттеште индиялык Балян Гоуравды 17:7 эсебинде утту. Читать дальше...

Саясат таануучу Марат Казакпаев менен “Айыл банктын” төрагасынын мурдагы орун басары Бакыт Асанбаевдин өлүмүн иликтеген комиссиянын кезектеги жыйыны бүгүн, 27-июнда түштөн кийин уланат. Комиссиянын мүчөсү “Бир дүйнө Кыргызстан” укук коргоо кыймылынын жетекчиси Төлөкан Исмаилова күн тартибинде маркумдардын ишин караган тергөөчүлөрдүн маалыматын угуу бар экенин билдирди. Укук коргоочунун айтымында, акыйкатчы кезинде Казакпаев менен жолугуп чыккан Токон Мамытовду чакырып, маалымат алуу дагы сунушталууда. Читать дальше...

Өзгөчө кырдаалдар министрлиги 27-30-июнь күндөрү Баткен, Ош, Жалал-Абад облустарында 38-40 градус, Чүйдө 36-38°ка чейин ысык болоорун эскертти. Саламаттык сактоо министрлиги аномалдуу ысыкта жүрөк оорулулар гана эмес дени сак адамдар дагы оор болоорун билдирди. Министрлик ымыркайлардын, балдардын ич оору, уулануу коркунучу жогору болоорун билдирүүдө. Саламаттык сактоо министрлигин ысык күндөн сактануу чараларын бул жактан окуңуз. (TSh)

Президент Садыр Жапаров 25-июнда “Кабар” улуттук маалымат агенттигине курган маегинде, кумарканаларга кайрадан уруксат берүү тууралуу мыйзам долбоорун колдоп берген депутаттарга алкышын айтты. Президент чет жактан келгендерден казино аркылуу казынага миллиарддаган салык түшөрүн, ал акча мамлекеттик кызматкерлердин айлык маянасын көбөйтүүгө жумшаларын, тышкы карыз көйгөйү да бар экенин белгилеген. Бирок коомчулукта бул мыйзамдын кабыл алынышы эки ача пикирлерди жаратып, талкуулар токтобой жатат. Читать дальше...

Кыргызстанда ден соолугунан мүмкүнчүлүгү чектелген 200 миң адам бар. Бул тууралуу эмгек, социалдык камсыздоо жана миграция министри Кудайберген Базарбаев билдирди. Ал 27-июнда парламенттин Социалдык саясат боюнча комитетинин жыйынында сүйлөп жатып майыптыгы бар 200 миң кишинин 120 миңи пенсия, 80 миңи жөлөк пул аларын айтты. Кудайберген Базарбаев ден соолугунан мүмкүнчүлүгү чектелгендерге көчөдө, мекеме-ишканаларда жакшы шарт түзүлбөгөнүн кошумчалады. 13-июнда Бишкектеги өкмөт үйүнүн алдына майыптыгы бар адамдар акцияга чыгып... Читать дальше...

Жалал-Абад облусунун Сузак районунда 31 жаштагы эркек 25 жаштагы аялын өлтүрүүгө шек саналып кармалды. Бул тууралуу облустук милициянын басма сөз кызматы билдирди. Маалыматка ылайык, ал кызганычтан улам жубайын муунтуп өлтүрүп, үйүнүн короосуна көмүп салган. Бул факты 23-июнда Сузак райондук ички иштер бөлүмүнө катталып, тергөө башталган. Жыйынтыгында Киров айылында шектүүнүн үйүнүн короосунан аялдын сөөгү табылып, соттук-медициналык экспертиза дайындалды. Сузак райондук милициясы Кылмыш-жаза... Читать дальше...

Тажикстандын Тоолуу Бадахшан автоном облусунда интернет байланышы калыбына келтирилди. Бул тууралуу "Озоди" радиосу аймактагы жергиликтүү тургундарга шилтеме кылып кабарлады. Маалыматка караганда, облустун жашоочуларында интернет 25-июнь күнү кечинде иштей баштаган. 14-майда Хорог шаарында жүздөгөн адам нааразылык акциясына чыгып, автоном облустун башчысын жана мэрди кызматтан кетирүүнү, шаардын борбордук бөлүгүндөгү блокпостторду алып салууну, Бадахшандын тургундарын куугунтуктоону токтотууну талап кылышкан. Читать дальше...

Токмоктун Жантаев көчөсүндөгү курулуш материалдарын саткан короонун ичинде кудук казып жаткан үч киши каза болуп, дагы экөө оор абалда ооруканада жатат. Өзгөчө кырдаалдар министрлигинин маалыматына караганда, тереңдиги 18 метрлик кудуктан аба жетпей калган. “Казып жаткан учурда кудуктун ичинде аба жетпей бир адам кулап калган, аны алып чыгам деп экинчиси кудука кирип, аба жетпей ал дагы кулаган. Калгандары дагы кудуктун ичинде аба жетпей калып кетишкен”, - деп айтылат министрликтин маалыматында. Читать дальше...