Новости за 13.09.2022

Ички иштер министринин орун басары Нурбек Абдиев 14 жаштагы Айдай Кочкорованын өлүмү боюнча далил заттар толук алынып, иш жакында сотко өтөрүн билдирди. Абдиев бул тууралуу 13-сентябрда Жогорку Кеңештин жыйынында айтты. “Азыркы учурда окуя боюнча далил заттар алынды, экспертиза дайындалып, күбөлөрдүн баары такталды. Жакынкы аралыкта иш сотко өтөт”, - деди Абдиев. Кадамжайда киши колдуу болгон 14 жашар Айдай Кочкорова тууралуу Башкы прокуратура, ИИМ баштаган орган-мекемелердин өкүлдөрү парламенттин Укук тартиби... Читать дальше...

13-сентябрда Франциялык атактуу кинорежиссер Жан-Люк Годар 91 жаш курагында көз жумду. Бул тууралуу Liberation басылмасы жазды. Жан-Люк Годар француз киносундагы “Жаңы толкундун” негиздөөчүлөрүнүн бири. Анын 1960-жылдардагы тасмалары дүйнөлүк кинематографиянын өнүгүшүнө олуттуу таасирин тийгизген. Анын “Жаңы толкундагы” жолу 1959-жылы “Акыркы дем” тасмасы менен башталган. Анда башкы ролду киноактёр Жан-Поль Бельмондо жана Жин Сиберг аткарган. Жан-Люк Годарга киноиндустриянын өнүгүшүнө кошкон салымы үчүн 2011-жылы "Оскар" сыйлыгы ыйгарылган.

Эмгек, социалдык камсыздоо жана миграция министрлигинде тийиштүү бардык мамлекеттик органдар менен бирге бирдиктүү борборду түзүү жөнүндө талкуу өттү. Бул тууралуу мекеменин басма сөз кызматы кабарлагандай, борбор зомбулукка кабылган аялдарга комплекстүү – укуктук, психологиялык, социалдык жардам көрсөтөт. Кыргызстанда соңку кездери аялдарга жана балдарга карата жасалган зордук-зомбулук, үрөй учурган окуялар орун алып жатат. Ички иштер министрлигинин эсебинде, былтыр үй-бүлөлүк зомбулукка байланыштуу 10 миңден ашуун факт катталган. Читать дальше...

Бул тууралуу Башкы прокуратуранын Эл аралык кызматташуу бөлүмүнүн башчысы Асылбек Акматов 13-сентябрда парламентте Конституциялык мыйзамдар, мамлекеттик түзүлүш, сот укук маселелери жана Жогорку Кеңештин регламенти комитетинин жыйынында билдирди. Анда "Альянс" фракциясынын лидери, депутат Жанар Акаев орус абактарында жазасын өтөп жаткан кыргыз жарандарын экстрадициялоого байланыштуу маселе көтөрдү. Ал мекениндеги түрмөлөргө которулууну каалагандарга укуктук, юридикалык жардам жетиштүү берилбей жатканын айтты. Читать дальше...

Улуттук коопсуздук комитети (УКМК) камактагы ишкер Журат Абдуллаевдин кылмыш ишине байланыштуу маалымат берди. Анда мыйзамсыз курал сактоого шек саналган бизнесмен "айыбын мойнуна алганы, соттун чечими менен 100 миң сом айып пул салынып, 800 миллиондон ашык сому мамлекетке чегерилгени" айтылат. "Козголгон кылмыш ишинин алкагында бюджетке 800 миллион сомдон ашык акча чегерилди. Тергөөнүн жүрүшүндө айыпталуучунун демилгеси менен ага коюлган кылмышты мойнуна алуу тууралуу келишим түзүлгөн. Тергөө амалдары аяктап... Читать дальше...

Башкы прокуратура энергетика министри Доскул Бекмурзаевге "кызмат абалынан кыянат пайдаланууга" байланыштуу эки кылмыш иши козголгонун билдирди. Анда "2021-2022-жылдары тийиштүү тармакта адис эмес кызматкерлерди мамлекеттик бюджеттин эсебинен Бириккен Араб Эмираттарына, Түркияга, Өзбекстанга жана Орусияга иш сапарларга негизсиз жөнөтүп, натыйжада мамлекетке олутуу материалдык зыян келтирилген. Мындан сырткары министр Бекмурзаев кызмат абалынан кыянат пайдаланып, "Теплые ключи” саламаттыкты чындоо... Читать дальше...

Чүй облустук ички иштер башкармалыгы окуя Ысык-Ата районуна караштуу Красная Речка айылында болгонун билдирди. Ага ылайык, 11-сентябрда  оорукананын жандандыруу бөлүмүнө сабалган 33 жаштагы келин түшкөнү,  алган жараатынан улам каза болгону тууралуу милицияга маалымат берилген. Бул фактыга байланыштуу кылмыш иши козголуп, маркумдун 40 жаштагы күйөсү кармалган. "Ал жаран үйүндө арак ичип отуруп, уруш-талаш чыгарган, аялы анын ур-токмогунан көз жумган. Кылмышка шектүү милициянын убактылуу тергөө абагына камалды. Читать дальше...

Кыргызстандагы Бизнес-акыйкатчы институту ишкерлик жана инвестициялык чөйрөдөгү соңку жагдайга байланыштуу билдирүү таратты. Анда бизнесмендерден түшкөн кайрылуулар жана жалпыга маалымдоо каражаттарына жарыяланган материалдардан улам тынчсыздануу айтылган.  "Президент Садыр Жапаровдун 2021-жылдын башында ишкерлерди, инвесторлорду колдоо, менчигин коргоо, укук коргоо, фискалдык жана көзөмөлдөөчү органдардын негизсиз кийлигишүүсүн болтурбоого баланыштуу жарлыгына карабай, терс фактылар орун алып жатат. Читать дальше...

Бишкек шаарындагы Биринчи май райондук соту зордуктоого шек саналып кармалган Улуттук Гвардиянын эки жоокеринин бөгөт чарасын карап, эки айга камоо тууралуу өкүм чыгарды. Кылмышка шектүүлөр Бишкек гарнизонунун жаза өтөөчү жайында (гауптвахта) 11-ноябрга чейин болушат. Аскер прокуратурасы эки жоокер кармалганы тууралуу 12-сентябрда билдирген. Анда 5-сентябрда Б.У аттуу кыз 4-сентябрда түнкү саат 04:30 чамаларында Сыдыков жана Тоголок Молдо көчөлөрүнүн кесилишинде белгисиз кишилер күч колдонуп, машинада зордуктаганын айтып... Читать дальше...

Армения чек арадагы калк жашаган аймактарын 12-сентябрдан 13нө караган түнү азери аскерлери аткылаганын билдирди. Өлкөнүн Коргоо министрлиги Горис менен Жермук шаарлары жана Сотк айылы бутага алынганын, оор артиллерия жана учуучу аппараттар, миномёттор колдонулганын, ага жооп кайтарылып жатканын кабарлады. Азербайжан болсо Армения тараптан чагым жана диверсия болгонун, ага жооп катары ок атылганын жарыялады. Коргоо министрлиги тараткан маалыматта “Дашкесан, Келбажар жана Лачин аймактарында... Читать дальше...

Бүгүн, 13-августта Жогорку Кеңеште Кадамжайда киши колдуу болгон 14 жашар Айдай Кочкорованын ишинин тергелип-иликтениши, жагдайы тууралуу Башкы прокуратура, Ички ички иштер министрлиги баштаган орган-мекемелердин өкүлдөрү маалымат берет. Жыйынды парламенттин Укук тартиби, кылмыштуулук менен күрөшүү жана коррупцияга каршы аракеттенүү комитети Социалдык саясат комитети болуп чогуу өткөрөт. Үрөй учурган окуя Баткен облусунун Кадамжай районунда болгон жана облустук милиция 5-сентябрда киши колдуу... Читать дальше...