Новости за 08.12.2022

Кыргызстанда күз мезгилинин эпидемиологиялык сезону башталгандан бери "чочко тумоосу" менен 34 бейтап катталды. Бул тууралуу 8-декабрда “Азаттык” радиосуна Ооруларды алдын алуу жана мамлекеттик санитардык-эпидемиологиялык көзөмөл департаментинин басма сөз кызматынан кабарлашты. Маалыматта айтылгандай, жалпысынан сезон башталгандан бери сасык тумоо 99 бейтапта тастыкталган, анын 34ү “А” түрү ("чочко тумоосу") экени аныкталган. 2009-жылы Дүйнөлүк саламаттык сактоо уюму “чочко тумоосунун вирусунун” жайылышын пандемия деп жарыялаган. Читать дальше...

Бишкекте Борбор Азия өлкөлөрүнүн, Орусиянын, Армениянын, Беларустун жана Түркиянын ишкерлери менен компаниялардын катышуусунда эки күндүк инвестициялык саммит ишин баштады. Анда глобалдык экономикадагы жаңы чакырыктардын, санариптештирүүнүн жана учурдагы тренддердин борбор азиялык өлкөлөрдүн экономикасына таасири, тажрыйба алмашуулар, алдыңкы дүйнөлүк тажрыйба боюнча баяндамалар болду. Жыйында ар кайсы өлкөлөрдүн ишкерлеринин жана инвесторлорунун башын кошкон электрондук аянтча түзүү, долбоорлорду иштеп чыгып... Читать дальше...

Ички иштер министрлиги (ИИМ) Ош шаарында кримчөйрөдө "казак" деген каймана ат менен таанымал, мурда бир канча жолу соттолгон кылмыштуу топтун 41 жаштагы мүчөсү колго түшкөнүн билдирди. Ошондой эле анын 37 жаштагы бир шериги да кармалган.  Маалыматка ылайык, буга чейин милицияга эки жаран кайрылып, аларды 11-ноябрга караган түнү бир нече адам бычак менен коркутуп, сабаганын айткан. Бул фактынын негизинде Кылмыш-жаза кодексинин "бейбаштык" беренеси менен кылмыш иши козголгон. "Кармалган жарандар... Читать дальше...

Президенттин Жогорку Кеңештеги мурдагы өкүлү, парламенттин мурдагы депутаты Курманбек Дыйканбаевди актаган өкүмдү Жогорку Сот да күчүндө калтырганын бүгүн 8-декабрда “Азаттык” радиосуна мекеменин басма сөз кызматынан билдиришти. Маалыматта айтылгандай, Бишкектин Биринчи Май райондук сотунун актоо өкүмү быйыл 24-майда чыккан, аны 19-июлда шаардык сот колдогон. Жогорку Соттун ал өкүмдү күчүндө калтырган токтому 28-сентябрда кабыл алынган. Улуттук коопсуздук боюнча мамлекеттик комитет (УКМК) Курманбек... Читать дальше...

Пенсияга бөлүнгөн дээрлик 1 миллион сомду почта кызматкерлери жымырып алганы жөнүндөгү маалымат чындыкка дал келбей турганын бүгүн 8-декабрда Жогорку Кеңештин жыйынында депутаттардын суроолоруна жооп берип жатып Социалдык фонддун төрагасы Бактияр Алиев билдирди: “Биз карап чыктык. Жалган маалымат болуп чыкты. Аны төгүндөгөн билдирүүнү өзүбүздүн сайтыбызга жарыяладык". 7-декабрда Башкы прокуратуранын расмий сайтына Сокулукта «Кыргызпочтасы» ишканасы боюнча текшерүү жүргөнү, жыйынтыгында 985 миң... Читать дальше...

Тышкы иштер министрлиги Өзбекстандын президенти Шавкат Мирзиёевдин 10-декабрдагы Кыргызстанга мамлекеттик сапарынын мөөнөтү жылганын билдирди. Ага ылайык, коңшу мамлекеттин башчысы Кыргызстанга ушул жылдын аягына чейин келет. Мындай чечим эки өлкөнүн президенттеринин сүйлөшүүсүнөн кийин кабыл алынды. "Бишкектеги Жогорку Евразиялык экономикалык кеңешинин жыйынына Өзбекстандын премьер-министри Абдулла Арипов келет",-деп айтылат маалыматта. 9-декабрда Бишкекте Жогорку Евразиялык экономикалык кеңешинин жыйыны өтөт. Читать дальше...

Жогорку Кеңеште Кумтөр маселеси боюнча түзүлгөн комиссиянын курамы кыскарып, ар бир фракциядан жана депутаттык топтордон бирден өкүл гана калды. Мындай чечим комиссия кворум жоктугунан жыйынга чогула албай жатканынан улам кабыл алынганын депутат Арсланбек Малиев билдирди: “Ар бир фракциядан бирден калтырсак. Ошондо комиссия иштегендей болот, кворум болуп”. Комиссия мүчөсү Марлен Маматалиев “Улуттук банкка алтынды көргөнү барганда сөзсүз турдө бардык депутаттарды кошо чакырып жатабыз” деп кошумчалады. Читать дальше...

Жогорку Кеңештин 8-ноябрдагы жыйынында төрага Нурланбек Шакиев депутаттар Жеңишбек Токторбаев менен Шайлообек Атазовдун Башкы прокуратурага суракка барганын иликтөө үчүн президент Садыр Жапаров жумушчу топ түзгөнүн билдирди. Териштирүүнүн корутундусу бир аптада чыгарыларын айтты. "Токторбаев менен Атазовдун Башкы прокуратуранын кысымы тууралуу кайрылууларынан кийин президент Садыр Жапаров жумушчу топ түздү жана ага бир жумалык мөөнөт берилди. Ошол жумушчу топ Башкы прокуратуранын аракеттери боюнча талдап, корутундусун берет", - деди Шакиев. Читать дальше...

Коммерциялык банктардын кардарларды тейлөө, акча которуулар маселеси бүгүн 8-декабрда Жогорку Кеңеште Улуттук банктын жетекчилиги менен талкууланганы жатат. Депутат Алишер Козуев коммерциялык банктардын ишин көзөмөлдөөдөгү Улуттук банктын ролу тууралуу айтып, мекеменин өкүлдөрүн чакырууну сунуш кылды: “Акыркы күндөрү банктарга элдин нааразылыгы күчөп жатат. Коммерциялык банктар ич ара сүйлөшүп алып, жазылбаган мыйзамдар менен иштеп жатышат. Кошумча тейлөөлөрүн көрсөтүп, элди алдап жатат. Ошон үчүн келип, кеңири суроолорго жооп берсе”. Читать дальше...

Кыргызстандын Конституциялык сотунун курамы эки аял судья менен толукталды. 7-декабрда Жогорку Кеңеш Конституциялык соттун судьяларынын кызмат ордуна Чынара Айдарбекова менен Лунара Жолдошеванын талапкерлигин карап, экөөнү тең колдоду. Шайланган жаңы судья айымдар ант беришти. Конституциялык сот тогуз судьядан турат. Буга чейин анын курамында бир гана аял судья бар болчу. Кыргызстанда бийлик органдарында соңку жылдары гендердик баланс сакталбай, аялдар аз же такыр эле жок мекемелер көп экенин укук коргоочулар жана серепчилер айтып келишет. Читать дальше...

Казакстандын Темиртоо шаарында батирлерге жылуулук талапка ылайык берилбей жатканына байланыштуу нааразылык чыгууда. “Азаттыктын” казак кызматы билдиргендей, 178 миң калкы бар шаардын айрым жерлеринде көп кабат үйлөрдө жылуулук жок экенин айткан адамдар жергиликтүү бийликке каршы кол топтоп, сотко арыз даярдап жатышат. 7-декабрдын кечинде тизмеге кол койгондордун саны эки миңге чамалаган. Президенттик администрацияга жолдогон кайрылуусунда шаар тургундары жергиликтүү жетекчилерди алмаштырууну, компетенттүүлөрдү дайындоону талап кылышкан. Читать дальше...