Во напад на талибанците загинаа 25 авганистански војници

Најмалку 25 авганистански војници загинале во престрелка со талибанците за време на нападот на голема воена база во покраината Хелманд. Авганистанските власти соопштија дека најмалку 9 талибанци исто така загинале за време на инцидентот, меѓу кои и тројца бомбаши самоубијци.


Американската мисија за воена помош функционира од базата, но, според властите, странски војници не биле вклучени во престрелката. Портпаролот на војската на САД, полковникот Дејв Батлер на Твитер напиша дека нападот бил спречен од храбрите авганистански војници. Тој додаде и дека талибанците успеале да овозможат пристап до базата, но подоцна биле спречени од авганистанските војници.