За измами во служба се гонат двајца поранешни директори и тројца лекари онколози. Еден од директорите е осомничен и за седум дела злоупотреба на службената положба. Обвинителството досега нема информации дека вишокот лекови завршувал во Косово. Од Албанија, се уште се чекаат информации.
За 56 раководни и службени лица во македонските институции антикорупционерите во нивниот мандат побарале одговорност односно разрешување, а за 59 покренале иницијатива за кривично гонење. Но, надлежните не презеле мерки. Неказнивоста и недостаток на интегритет се дел од проблемите со кои се соочиле антикорупционерите чии мандат истекува во февруари.
Населението во Северна Македонија драматично старее. Во моментов има повеќе стари лица над 65 години отколку деца до 14 години. Општините бараат начин да ги згрижат старите, па објекти што порано се користеле како градинки, училишта и амбуланти, сега ги пренаменуваат во домови за стари лица. Такви се примерите од Пробиштип и од Кратово.