Петмина загинати во автобуска несреќа во Русија
Петмина луѓе загинаа, а 21 се повредени во несреќа на патнички автобус јужно од Москва, соопштија властите.
Автобусот удрил во столб под железнички мост рано утринава во регионот на Рјазан, соопшти портпаролот на Министерството за внатрешни работи.
Несреќата се случила на автопат во близина на селото Вослебово, 270 километри јужно од Москва.
46 загинати во несреќа на македонски автобус во Бугарија
Во автобусот кој се движел од Астрахан кон Москва имало 49 патници.
Има различни информации за причините за несреќата.
Според првичните информации, возачот можеби заспал.
Регионалниот инспектор за Интерфакс изјавил дека возачот можеби изгубил контрола врз автобусот поради замрзнатиот пат.
Истрагата за несреќата е во тек.