Речиси 26 700 македонски државјани се вакцинирале против ковид во Врање

Во Врање заклучно со 5 јануари, годинава, се дадени точно 116.548 дози од сите вакцини против коронавирусот, соопштиja од Здравствениот дом во Врање, јави дописникот на МИА од Белград. На граѓаните на Врање и Србија им биле дадени 89.830 дози, на граѓаните на Северна Македонија 26.689 и на граѓаните на БиХ 29 дози.


Од сите четири типа достапни вакцини, убедливо најчесто давана е вакцината на кинески Синофарм – 72.098 дози. Фајзер бил даден во 35.275 дози, руски Спутник-В во 8.243, а Астра Зенека во 932 случаи.


Минатата година кога во Македонија се уште не беа достапни вакцините против ковид-19 многу македонски државјани одлучија да се вакцинираат во соседна Србија која имаше обезбедено вакцини од повеќе производители.