САД ја обвинија Русија дека подготвува операција под „лажно знаме“ во Украина

Русија планира да изврши чин на провокација со цел да направи изговор за инвазијата на Украина, изјави американски претставник.

Портпаролот на Пентагон рече дека руските оперативци планираат „операција под лажно знаме“ за да и дозволат на Москва да ја обвини Украина за заговор за напад. (Операција под лажно знаме „false-flag operation“ е тајна операција кој се спроведува на начин за да се мисли дека ја спроведува некој друг.)

Русија ги отфрли овие тврдења, кои доаѓаат по неколкунеделните американско-руски разговори со цел да се смират тензиите.

На 14 јануари Украина ја обвини Русија дека стои зад сајбер напад на десетици нејзини официјални веб-страници.

Пред да биде блокиран пристапот до страницата, се појави порака со предупредување Украинците да се „подготват за најлошото“. Пристапот до повеќето интернет страници беше вратен за неколку часа.

САД и НАТО го осудија нападот и понудија поддршка за Украина. Русија не го коментираше хакирањето.

САД ја обвини Русија дека испраќа диверзанти во источна Украина

Портпаролот на Пентагон Џон Кирби зборуваше пред новинарите за, како што рече, плановите на Русија, односно дека нејзини оперативци треба да ја спроведат операцијата што ја нарекуваме „лажно знаме“,

„Операција дизајнирана да изгледа како напад врз нив или врз луѓе што зборуваат руски во Украина како изговор за влез“, рече тој.

Оперативците се обучени за урбана војна и употреба на експлозиви за извршување на акти на саботажа против проруските бунтовници, соопштија американските власти.

Министерството за одбрана на Украина соопшти дека слични акти се подготвуваат против руските војници стационирани во отцепениот регион Придњестровје во Молдавија.

Портпаролот на Кремљ, Дмитриј Песков на ваквите тврдења одговори опишувајќи ги извештаите како неосновани и „непотврдени“.