Данска ќе објави отстранување на сите ограничувања за ковид-19

Данската премиерка Мете Фредериксен се очекува денеска да објави отстранување на сите ограничувања за ковид-19 до крајот на овој месец, објавија данските медиуми, цитирајќи неколку извори. Нејзината канцеларија одби да го коментира извештајот. Данска ги олабави ограничувањата пред две недели по едномесечното заклучување, дозволувајќи им на кината и музичките места повторно да се отворат, но некои правила остануваат, вклучително и ограничено работно време за ресторани и задолжителни маски за лице.

Невакцинираните во Франција не можат во угостителски и спортски објекти

Новата промена се заснова врз препораки од експертски панел кој исто така препорачува отстранување на класификацијата на ковид-19 како болест која е критична закана за општеството. Данска регистрираше 40.348 нови случаи во понеделникот, што е намалување од врвот од 47.831 во петокот. Бројот на хоспитализации поврзани со коронавирус се искачи на 894, највисок во една година.