Голема експлозија во Атина оштети згради, едно лице е повредено

Едно лице е повредено, а неколку згради се сериозно оштетени од експлозија во центарот на Атина, што доведе до пожар рано изутрината, изјавија официјални лица и очевидци. Едно лице кое се здобило со изгореници било пренесено во болница, изјави за ТВ Скај Јоргос Матиопулос, шеф на Националниот центар за итна помош. Експлозијата ги искрши прозорците и ги уништи фасадите на зградите долж главната сообраќајна артерија на авенијата Сингру, која го поврзува центарот на градот со јужните предградија, притоа оштетувајќи згради оддалечени до 200 метри. Урнатините се натрупаа на улицата еден ден откако силното снежно невреме го зафати главниот град, попречувајќи го сообраќајот и блокирајќи илјадници луѓе. Најмалку беа ангажирани во гаснењето на пожарот, соопшти противпожарната бригада. Не е веднаш јасно што ја предизвикало експлозијата или пожарот.