World News in Pashto

د ملګرو ملتونو د بشري چارو د همغږۍ دفتر (اوچا) وایي چې د طالبانو او پاکستان ترمنځ د جګړو د دوام له امله، چې اوس درېیمې اوونۍ ته داخلې شوې دي، په افغانستان کې بشري بحران لا پسې شدید شوی او د ملکي تلفاتو، بې‌ځایه کېدو او عاجلو مرستو اړتیا په څرګند ډول زیاته شوې ده. د اوچا په خپل تازه راپور کې، چې د چهارشنبې په ورځ یې خپور کړ، ویلي چې په دې جګړو کې د تاوتریخوالي د کمېدو هېڅ نښه نه لیدل کېږي. اوچا، په کابل کې د معتادانو د روغتون د مرګ ژوبلې له یادولو پرته ویلي چې د فبرورۍ له ۲۶مې د مارچ تر ۱۷ پورې ټولټال... Читать дальше...

د امریکا ولسمشر ډونالډ ټرمپ وایي چې متحده ایالات لا هم په ایران کې د پوځي عملیاتو د پای ته رسولو لپاره چمتو نه دي، خو په ډېر نژدې راتلونکي کې به عملاً له دې جګړې څخه ووځي. د امریکا ولسمشر چې د سې‌شنبې په ورځ د ایرلنډ له صدراعظم میشل مارتین سره په سپینه ماڼۍ کې له خبریالانو سره خبرې کولې، د امریکا او اسرائیل د جګړې د پای لپاره کومه مشخصه نېټه ونه ښوده. ټرمپ وویل، د ایران موضوع په اصل کې په دوو یا درېیو ورځو کې تر ډېره پای ته ورسېده، ځکه چې د هغه سمندري ځواک نژدې سمدستي له منځه ولاړ او وروسته یې هوايي... Читать дальше...

په خوست کې د ولایت د ۲۸ لوبډلو ترمینځ د رمضان لیګ په نوم د کرکټ ۱۰ اووره سیالۍ پای ته رسېدلې دي. د مارچ پر ۱۶مه په پښتونستان پارک لوبغالي کې د سیالیو پایلوبه نقیب الله لوبډلې وګټله. منتظمین وايي، د سیالیو مقاصد د ځوانانو ترمینځ یووالی، د ورزشکارانو د وړتیاوو لوړول او له باتجربه لوبغاړو سره د نویو لوبغاړو د لوبېدو فرصتونه برابرول ول. ویډیويي رپورټ.

د اسراییلو د دفاع وزیر وايي،" د ایران د استخبارات وزیر اسماعیل خطیب د پرون شپې په بریدونو کې وژل شوی دی". تراوسه ایراني چارواکو په دې اړه څه ویلي نه دي. اسراییل کاتز نن چهارشنبې ویلي،" د ایران او حزب الله پر وړاندې جګړه نوې مرحلې ته داخلیږي او په ټولو جبهوو کې به مهم او ناڅاپي بریدونه وشي". د کاتز په ټکو، د اسراییلو صدراعظم او پوځ له تایید وروسته اجازه لري چې لوړپوړي ایراني چارواکي په نښه کړي. که چیرته د اسماعیل خطیب وژنه تایید شي، په دې سره به د هغوو لوړپوړو ایراني چارواکو شمیر ۴۰تنو ته پورته شي... Читать дальше...

کابل کې د پاکستان د مرګوني برید ټپيان لا هم په بېلابیلو روغتونونو کې تر درملنې لاندې دي. دوی وایي چې پاکستاني الوتکو د روږدو د درملنې پر روغتون باندې برید سره، مستقیم ملکي هدف په نښه کړی دی. دوی د برید د مهال سترګو لیدلی حال بیان کړی دی، کیسې یې لاندې ویډیو کې وګوری:

علي لاریجاني چې د ایران د ملي امنیت شورا منشي و، پرون سه شنبه د اسراییل په برید کې ووژل شو او ایراني چارواکو د هغه وژنه تایید کړه.

په کابل کې یوشمېر کورنۍ وايي خپلوان یې د درملنې لپاره د امېد په نوم روغتون کې داخل کړي ول چې د پاکستان پوځ له برید سره مخامخ شول. د طالبانو حکومت وايي، په نشه يي توکو د روږدو د درملنې لپاره د امېد په نوم پر روغتون د مارچ ۱۶مې په برید کې تر ۴۰۰ زیات کسان ووژل شول. خو د پاکستان حکومت وايي چې په کابل او ننګرهار کې یې "پوځي تاسيسات او د ترهګرۍ" هغه مرکزونه په نخښه کړي چې په افغانستان کې د طالبانو د حکومت تر "ملاتړ" لاندې کار کوي. ویډیويي رپورټ وګورئ.

په کابل کې د امید په نوم د روږدو کسانو د درملنې په یو مرکز تر هوايی حملې نږدې اته څلویښت ساعته تېریږي خو یو شمېر کورنۍ وايي لا هم د خپلو عزیزانو د مړي او ژوندي معلومات ورته نه دي شوي. د طالبانو حکومت له دغه برید د ۴۹۱ ژغورل شویو روږدو یو لسټ هم خپور کړی خو دوی وايي، دې کې یې هم د عزیزیانو نومونه نشته. روحید وايي له وړمې شپې راهیسي د خپل تره د زوی په مړي او ژوندي پسې په کابل کې روغتون په روغتون ګرځي، خو لا یې هم پته نه ده لګېدلې. هغه چې د ختیځ لغمان ولایت اوسېدونکی دی، چهارشنبه د حوت ۲۷ مه ازادي راډيو... Читать дальше...

عراق وايي، د کرکوک سیمې د خام تیلو صادرات يې د جیهان بندر له لارې ترکیې ته پيل کړي. عراقي چارواکو نن چهارشنبې د (مارچ۱۸مه) ویلي،" د کرستان له خودمختاره حکومت سره یې له هوکړې وروسته د کرکوک سیمې د خام تیلو صادرات چې په ورځینې ډول به ۲۵۰ زره بیله وي، ترکیې ته پیل کړي دي". عراق دا پریکړه وروسته له هغه وکړه چې د ایران له خوا د هرمز تنګي تړل کیدو سره د نړۍ په بازارونو کې د تیلو بیې په بې سارې کچه لوړې شوي دي. د عراق په شمال کې د تیلو دولتي شرکت "نورث اویل" اعلان کړی چې د کرکوک د تیلو لیږد هغه پاین لاین ته چې د کردستان له سیمې تیریږي بیا پیل شوی دی. Читать дальше...

د راولپنډۍ په کرتار پوره کې د خوراکونو بازار په روژه کې ټول خلاص وي او د پيشلمي لپاره پکې ګڼ ډول خواړه تيارېږي. دغه بازار ته د راولپنډۍ او اسلام اباد تر څنګ د نورو لرې پرتو سيمو خلک هم د پېشلمي لپاره ورځي

ایرانیو چارواکو په تهران کې په هوايي بریدونو کې د هېواد د امنیتي شورا د منشي علي لاریجاني وژنه تایید کړې ده.دا د فبرورۍ پر ۲۸مه پر ایران د اسراییلو او امریکا په حملو کې د پخواني ستر مذهبي مشر ایت الله علي خامنه يي تر وژنې وروسته د تر ټولو مهم چارواکي وژل کېدل دي. د ایران د ملي امنیت عالي شورا دفتر د مارچ پر ۱۷مه ناوخته په بیان کې وویل چې لاریجاني له خپل زوی مرتضا، مرستیال علي رضا بیات او یوشمېر ساتونکو سره یوځای ووژل شو. شورا دا بیان تر هغې ۱۲ ساعته وروسته ورکړی چې د اسراییلو د دفاع وزیر اسراییل... Читать дальше...

سره لدې چې د پاکستان وروستیو بمباریو افغانستان کې ګڼې کورنۍ د غم په ټغر کینولي او د ویر فضا یې را مینځ ته کړې خو بیاهم یو شمیر افغانان وايي اختر او نوروز دواړو ته چمتوالی لري او خپلو مېلمنو ته به د اختر کلچې او هفت میوه دواړه مخې ته کېږدي. فرهنګپالان سږ کال د اختر او نوروز غبرګ راتګ نیک فال نیسي.

د افغانستان د بزکشي ملي ټیم واتونید په خپله دویمه نړیواله لوبه کې روسیې ته پنځه د صفر پر وړاندې ماتې ورکړې. دغه لوبه نن چهارشنبې د قزاقستان په ترکستان ښار کې ترسره شوه. افغان ټیم پرون سه شنبې مجارستان ته په خپله لومړنۍ نړیواله لوبه ۱۴ د صفر پر وړاندې ماتې ورکړې وه. قزاقستان د بزکشۍ د روانو نړیوالو کوربتوب کوي. د افغانستان په ګډون په دې لوبه کې نهه نورو هېوادونو ګډون کړی دی. دغه لوبې د روانې میاشتې په ۱۶پیل شوي او پایلوبه به يې د مارچ په ۲۱ ترسره شي.

د افغانستان د خبریالانو مرکز وايي،"طالبانو په روان کال کې رسنۍ په بې سارې کچه سانسور او ځپلي دي". دغه مرکز نن چهارشبنې د (مارچ۱۸مه) د خبریال ورځې په مناسبت د یو راپور په خپرولو سره ویلي،"سږکال د رسنیو له ازادیو د سرغړونې او د خبریالانو پر وړاندې د تاوتریخوالي ۲۰۷ پېښې ثبت شوي دي". د راپور په ټکو،" په دغو پېښو کې د دوو کسانو وژل، د یو کس ټپي کیدل، د ۲۱خبریالانو نیول او د ۱۸۳ کسانو د ګواښلو قضیې شاملې دي". وړاندې راغلي،"د تیرکال پرتله پر رسنیو د طالبانو په محدودیتونو او د رسنیو له ازادیو څخه د سرغړونې په قضیو کې شل سلنه زیاتوالی راغلی دی". Читать дальше...

د بشري حقونو په چارو کې د افغانستان لپاره د ملګرو ملتونو ځانګړي راپورورکونکي ریچارډ بېنټ په کابل کې د معتادنیو د درملنې پر روغتیا د پاکستاني پوځ بریدونه غندلي او د څیړنو غوښتنه يې کړې ده. هغه نن چهارشنبې د (مارچ۱۸مه) پر خپلې ایکس پاڼې لیکي،"د راپورونو له مخې په دغه بریدونو کې په لسهاوو کسانو ته مرګژوبله اوښتې چې باید په فوري، خپلواکه او شفافه توګه وڅیړل شي". هغه ټینګار وکړ،"د پېښې عاملان باید مسوول وګڼل شي او د قربانیانو کورنیو ته باید تاوان ورکړل شي". پاکستاني پوځ دوشنبې ناوخته په کابل د معتادنیو... Читать дальше...

د خبریالانو د خوندیتوب ادارې (کمېټي ټو پروټېکټ جرنلسټس يا سي پي جې) د پاکستان پر وزیراعظم شهباز شریف غږ کړی دی چې هلته د مېشتو افغان خبریالانو "ځورونه، خپل سرې ګرفتاریانې" او له هېواده دې یې ایستل بند کړي.یادې ادارې د مارچ پر ۱۸مه پر اېکس (پخواني ټوېټر) پاڼه په بیان کې ویلي دي چې سي پي جې د بې پولې خبریالانو له سازمان او د ازادې رسنیو له ادارې (فريډم پرېس انلېمېټېډ) سره په همغږۍ دا غوښتنه کوي. تر دې مخکې د بې پولې خبریالانو سازمان د مارچ پر ۱۳مه شهباز شریف ته په یو لیک کې غوښتنه کړې وه چې په پاکستان... Читать дальше...

د ایران د بهرنیو چارو وزیر عباس عراقچي وايي، له امریکا او اسراییلو سره په اوربند باور نه لري. هغه چې نن سهار چهارشنبې له الجریز تلویزیونې شبکې سره خبرې کولې وویل،"موږ له امریکا او اسراییلو سره په اوربند باور نه لرو، موږ د جګړې په پایته رسیدو باور لرو، هغه هم داسې پای چې په ټولو جبهوو کې وي". له دې وړاندې د ایران د پارلمان مشر محمد باقر قالیباف ویلي وو،" له اوربند سره مخالف یو، خو جګړه باید داسې پایته ورسیږي چې ورسره په ایران او سیمه کې هر ډول تهدید له منځه لاړ شي". عراقچي د ایران د ملي امنیت د عالي... Читать дальше...

په خېبر پښتونخوا کې د افغان کډوالو د ښوونځيو تر تړل کېدو وروسته که څه هم زرګونه ماشومان له ستونزو سره مخ شوي، خو بیا هم د کډوالو په ځینو کيمپونو کې ماشومان نه غواړي خپلې زده کړې نیمګړې پرېږدي. د کوهاټ د ګمکول کيمپ په ګډون په یو شمېر ځایونو کې افغان کډوال ماشومان اوس په جوماتونو او حجرو کې په غیر رسمي ډول خپلو زده کړو ته دوام ورکوي.