Новости за 10.01.2022

د ایران د عدلي او قضایي چارو سلګونو کارکونکو پرون په پر له پسې دوهمه ورځ په تهران کې د پارلمان مخې ته لاریون وکړ. دغه معترضان چارواکي تورنوي چې د مخکېنیو ژمنو سره سره یې د دوی تنخواوې نه دې لوړې کړي. دغه اعتراض چې په ایران کې نادره بلل کېږي، اکثرا ګډونوال د ایران د پارلمان پر رئیس محمد باقر قالیباف په قهر ول او د دروغجن په نوم یې د هغه پرضد شعارونه ورکول. د ایران ولسمشر ابراهیم رئیسي چې یوه سخته محافظه کاره څېره بلل کیږي، مخکې له دې چې په اګست میاشت کې واک ته ورسېږي، د قضایي ادارې د رئیس په... Читать дальше...

د کابل د پوهنتون استاد فیض الله جلال کورنۍ وایي، د هغه له توقیف ۲۴ ساعته تېرېږي، خو تراوسه نه دې توانیدلي چې ورسره اړیکه ونیسي.  د نوموړي لور حسینه جلال تېره شپه ناوخته ازادي راډیو ته وویل چې د خپل پلار روغتیایي وضعیت ته اندېښنه لري.  حسینه وایي:" موږ د استاد روغتیایي وضعیت ته سخت اندېښمن یو او دې ته په پام چې یو عمر یې په افغانستان کې مبارزه کړې او په سیاسي، ټولنیز او د افغانستان په اکاډمیکه فضاکې یو ځای لري، له طالبانو مو غوښتنه دا ده چې استاد له قید او شرط پرته ژر تر ژره راخوشې کړې." د کابل... Читать дальше...

د سعودي عربستان بشري مرستې په کابل کې په اړمنو کسانو وویشل شوې.  د سعودي د ریاض ورځپاڼې د راپور له مخې د پاچا سلمان د بشري مرستو او بشري چارو د مرکز له خوا د خوراکي موادو دغه مرستې چې وزن یې ۳۶ ټنه او۴۰ کیلوګرامه و په کابل کې پر۲۱۰۰ کسانو وویشل شوې.  د خبر له مخې دغه مرستې د سعودي عربستان د هغو مرستو د لړۍ یوه برخه ده چې د دغه مرکز له لوري د هوا له لارې افغانستان ته لېږدول کېږي. د سعودي عربستان په ګډون د خلیج د نورو عربي هېوادونو او د نړۍ د یو شمېر نورو هېوادونو بشري مرستې تر ډېره د کابل نړیوال هوایي ډګر ته لېږدول کېږي.

د ملګروملتونو د بشري مرستو د همغږۍ اداره اوچا وایي، ایټالیا له افغانستانه سره د بشري مرستو صندوق ته ۱۲ ملیونه ډالره ورکړي دي. اوچا وایي، په داسې حال کې چې په ملیونونو افغانان په یوه حساس وخت کې ژوند تېروي دغه پیسې به د بشري مرستو پر چارو او د خلکو د ژوند ژغورنې پر چارو ولګول شي.  د ملګروملتونو د شمېرو له مخې د افغانستان د نفوس له نیمایي زیات یې بشري مرستو ته اړتیا لري.

د ترکیې او د قطر بهرنیو چارو وزیرانو د افغانستان د روان وضعیت په اړه خبرې کړې.  د ترکیې د انادولیا خبري اژانس د راپور له مخې د ترکیې د بهرنیو چارو وزیر مولود چاوش اوغلو له خپل قطري سیال شیخ محمد بن عبدالرحمن الثاني سره پرون یکشنبې پر ټیلفون د افغانستان په اړه خبرې کړې.  په دې اړه د ترکیې د بهرنیو چارو وزارت له خوا په خپره شوې خبرپاڼه کې یوازې دومره ویل شوي چې دواړو وزیرانو د افغانستان روان وضعیت وڅیړو خو د دواړو هېوادونو د بهرنیو چارو وزیرانو په دې وروستیو کې هڅې تیزې کړې چې د کابل د نړیوال هوایي... Читать дальше...

د قزاقستان چارواکي په دې هېواد کې د امنیتي ځواکونو د عملیاتو په پایله کې لږترلږه د ۶ زره کسانو د نیولو خبر ورکوي.  دغه عملیات د پراخ تاوتریخوالي د له منځه وړلو لپاره ترسره شوي چې قزاقستان یې د خپلې خپلواکۍ راهیسې په ۳۰ کلونو کې ساری نه دی لېدلی.  د قزاقستان د کورنیو چارو وزارت پرون یکشنبې وویل چې تراوسه لږترلږه ۵۹۶۹ کسان نیول شوي دي. د دې وزارت په وینا د نیول شویو له ډلې ۱۳۳ یې د جدي جنایتونو د ترسره کولو په تور توقیف شوي دي.  د قزاقستان د ولاست خبري اژانس د ویبپاڼې د راپور له مخې د جنوري... Читать дальше...

طالبان په تهران کې د خبرو پایلې ګټورې بولي. د طالبانو د حکومت د ویاند مرستیال احمدالله وثیق تېره شپه ناوخته ازادي راډیو ته وویل چې په هغه کتنه کې چې د طالبانو پلاوي له ایراني چارواکو سره درلوده، پر دوه اړخېزو اړیکو، سوداګرۍ، انرژۍ، ترانزیت او امنیتي مسئلو رغنده او ګټورې خبرې وشوې. د طالبانو پلاوي د ایران د بهرنیو چارو له وزیر حسین امیرعبداللهیان او د ولسمشر له ځانګړي استازي حسن کاظمي قمي سره وکتل. ښاغلي وثیق زیاته کړه چې په دې کتنه کې د سیمې د هېوادونو د اتصال د یوې نقطې په توګه د افغانستان پرجغرافیایي موقعیت تاکید وشو. Читать дальше...

ټایمز اف اسراییل ټایمز اف اسراییل ایران ته د طالبانو د پلاوي د سفر په اړه مقاله خپره کړې ده.   په دې راپور کې فرانسې خبري اژانس ویلي، د طالبانو پلاوی د افغان کډوالو او مخ په زیاتېدونکي اقتصادي بحران په اړه خبرې کوي.   په ټایمز اف اسراییل کې د دې راپور په یوه برخه کې راغلي چې ایران تراوسه د طالبانو نوی حکومت په رسمیت نه دی پېژندلی.  تهران د ۱۹۹۰ لسیزې په دوهمه نیمایي کې د طالبانو د حکومت لومړۍ دوره هم په رسمیت نه وه پېژندلې.   په تېرو پنځو میاشتو کې د طالبانو بېرته واک ترلاسه کولو وروسته... Читать дальше...