چارواکي: په بلخ کې ۹ طالبان وژل شوي او اته نور ټپیان دي
د دې قول اردو له خوا نن سهار په یوې خپرې شوې خبرپاڼې کې ادعا شوې چې د بلخ په چهاربولک او چمتال ولسوالیو کې په هوايي بریدونو او د امنیتي ځواکونو په عملیاتو کې نهه وسله وال طالبان وژل شوي.
د خبرپاڼې په وینا، دا عملیات چې تېر ماښام شوي، په کې د طالبانو یو سیمه ییز قوماندان قاري مهدي هم شامل دی.
د افغانستان ملي اردو په دې خبرپاڼه کې خپل لوري ته د اوښتې مرګ ژوبلې په اړه څه نه دي ویلي.
طالبانو هم تر اوسه په دې اړه تبصره نه ده کړې.