ټرمپ او پېنګ کرونا ویروس سره د مبارزې په اړه خبرې وکړې
د متحده ایالاتو ولسمشر ویلي چې له چینايي لوري شي جین پېنګ سره له نږدې کار کوي او سخت درناوی ورته لري.
دواړو نن د مارچ په ۲۷مه، ټیلیفوني خبرې کړې دي، خو تر دې خبرو مخکې، ټرمپ په واشنګټن کې خبریالانو ته وویل چې چین لا هم د کرونا ویروس په تړاو شمېرې له نړیوالو پټوي.
دا په داسې حال کې ده چې په متحده ایالاتو کې په کرونا ویروس د اخته وګړو شمېر اوس د چین په پرتله زیات شوی دی.
د امریکا متحده ایالاتو ولسمشر او یو شمېر لوړ رتبه چارواکو مخکې ویلي چې چین په ډسمبر او جنورۍ کې د کرونا ویروس په اړه نړیوال غولولي دي.
کرونا ویروس په ډسمبر کې د چین د هوبې ولایت له ووهان ښاره راپيدا شو.