پاکستان کې د ترورېزم ضد یوې محکمې ۲ تنه په مرګ محکوم کړل

د پاکستان په کراچۍ کې محکمې دوه کسان په یوه فابریکه کې د اورلګېدو په تړاو په مرګ محکوم کړل.


په ۲۰۱۲م کال په هغه اورلګېدنه کې د نساجۍ فابریکې تر ۲۶۰ زیات کارکوونکي مړه شوي وو.


د ترورېزم ضد محکمې د حکم له مخې دغو دوو کسانو، د فابریکې ودانۍ ته د دې لپاره اور واچاوه چې د فابریکې خاوندانو له باج ورکولو ډډه وکړه.


د سوداګرۍ او صنعت د ایالتي وزیر رؤف صدیقي په ګډون په پېښه کې څلورو کسانو ته برائت ورکړل شو.