بلينکن: روسيه له غلو دانو د جګړې د وسلې په توګه کار اخلي
بلینکن پرون د ملګرو ملتونو امنیت شورا کې د وینا پر مهال وویل، د روسیې د اقداماتو له کبله د اوکراین په سیلوګانو کې ۲۰ میلیونه ټنه غله له استفادې پرته پاتې ده.
د بلینکن په وینا په نړۍ کې د خوړو زېرمو کې د کموالي له کبله بیې ډېرې لوړې شوي او په خبره یې دا د دې لامل کېږي چې ډېر خلک د خوړو له نه مصونیت سره مخامخ شي.
په ملګرو ملتونو کې د روسیې استازي بیا ویلي، دا غلطه ده چې د دوی هېواد دې د هغه بحران لامل وبلل شي چې له کلونو راهیسې دوام لري.