د امريکا د دفاع پخوانی وزير 'اش کارټر' د ۶۸ کلونو په عمر مړ شو
هغه د پخواني ولسمشر، بارک اوباما د واکمنۍ پر مهال هم د دفاع وزیر په توګه دنده ترسره کړې ده.
د هغه کورنۍ پرون سې شنبه په یوه اعلامیه کې وویل، چی اش کارټر د زړه د حملې له کبله ساه ورکړه.
کارټر چې د اوباما د واکمنۍ په وروستیو دوو کلونو کې دنده ترسره کوله، هغه پوځي ستراتیژي رهبري کوله چې له سوریې او عراق د اسلامي دولت ډلې د ایستلو سبب شوه.