امریکايي ولسمشر ډانلډ ټرمپ دعوه کړې ده چې لومړی ایران پر امریکا د حملې پلان درلود نو ځکه یې پر ضد "عملیات" پیل کړل. دا خبره نوموړي د مارچ پر درېیمه په واشنګټن کې د جرمني له وزیراعظم فریدریښ مېرڅ سره د لیدو پر مهال خبریالانو ته کړې ده. اخوا ایران اروپايي هېوادونو ته خبرداری ورکړی دی چې که په شخړه کې شامل شول نو دا به "جنګي اقدام" وبولي. په همدې حال کې امریکا او اسراییلو پر ایران او تهران یې په ځواب کې په سیمه کې پر تاسیساتو او اسراییلو حملو ته دوام ورکړی دی. په دې اړه ویډیويي رپورټ وګورئ.
