Përshkrimi: Fitore e së vërtetës dhe e drejtësisë! Me këto fjalë, familjet e viktimave të gjenocidit në Bosnje e Hercegovinë, përshëndetën miratimin e rezolutës nga Asambleja Parlamentare e OKB-së për gjenocidin në Srebrenicë. Rezoluta u miratua me 84 vota për, 19 kundër, ndërsa 68 vende abstenuan.
Asambleja e Përgjithshme e Kombeve të Bashkuara miratoi rezolutën, sipas së cilës 11 Korriku shpallet Ditë Ndërkombëtare e Përkujtimit të Viktimave të Gjenocidit në Srebrenicë. Ndër tjerash kjo rezolutë dënon mohimin e gjenocidit dhe madhërimin e kriminelëve të luftës. Miratimi i kësaj rezolute u kundërshtua nga Serbia, derisa shtetet nismëtare, thanë se ajo nuk është kundër asnjë shteti, por shënjestron kryesit e gjenocidit.
Ndërtimi i stadiumit të ri në Tetovë, gjegjësisht proceduarat ligjore për ndërtim, kanë përplasur Qeverinë e Maqedonisë së Veriut me Komunën e Tetovës.
Shtetet e Bashkuara kanë thënë se nuk ka mënyrë për të zgjidhur çështjet e sigurisë së Izraelit dhe sfidat e rindërtimit të Gazës, pa bërë hapa drejt një shteti palestinez.
Nura Begoviq gjeti disa eshtra të vëllait të saj, Adilit. Parakrahu dhe dora mbetën në rrobat, me të cilat ai u vra gjatë largimit nga Srebrenica më 1995. Rrobat e tij, që u gjetën në një varr masiv, Nura ia dhuroi Qendrës Memoriale në Potoçari. Ato janë përkujtim për të gjithë, thotë Nura, për të keqen që goditi më shumë se tetë mijë burra dhe djem. Nura kërkon të dijë me emër se kush e vrau Adilin dhe 18 anëtarë të tjerë të familjes. (Përgatitën: Shkelqim Hysenaj dhe Ibrahim Berisha)