Türkmenistanda tomus paslynyň başlanyp, jokrama yssy günleriň ýetip gelmegi bilen, ýurt raýatlarynyň iň bir agyryly meseleleriniň biri gaýtadan ýitileşdi. Şu günler ýurduň käbir sebitlerinde ýaşaýjylar elektrik energiýasynyň we agyz suw üpjünçiliginiň yzygiderli kesilmegi bilen ýüzbe-ýüz bolýarlar.
Türk häkimiýetleri Türkmenistanyň ýene bir raýatyny watanyna deportasiýa etmekden ýüz öwürdi. 16-njy iýunda adam hukuklary boýunça "Türkmen Helsinki Fondy" (THF) Baýram Allalyýewi Türkiýeden deportasiýa etmek kararynyň sud tarapyndan ýatyrylandygyny habar berdi.
Aşgabat şäheriniň golaýyndaky "Perwomaýskiý" obasynda ýangyn boldy. Ýangynyň döremegine obanyň dag eteklerindäki ot-çöpleriň ot almagy sebäp boldy. Bu waka, Türkmenistanyň Ýangyn howpsuzlygy gullugynyň raýatlary tomus pasly döwründe ýangyna garşy howpsuzlygy üpjün etmäge we hüşgär bolmaga çagyrmagynyň yz ýanyna gabat geldi.
Türkmen kanun çykaryjylary Jenaýat kodeksine üýtgetmeleri girizip, korrupsiýa we neşe serişdeleriniň dolanyşygy bilen bagly jenaýatlary etmekde günäli bilnen adamlaryň günäsini geçmezlik kararyny ýatyrdy.
Eýranyň barha köp şäherinde telekeçiler we söwdagärler, ABŞ-nyň girizen sanskiýalary sebäpli ýurduň ykdysady ýagdaýynyň barha ýaramazlaşmagyna we ýurduň milli pul birligi rialyň dollara görä rekord derejede hümmetsizlenmegine garşy nägilelik protestlerini geçirýärler. HRANA habar agentligniň 15-nji iýunda beren maglumatyna görä, Isfahan welaýatynyň Najafabad şäherindäki mobil telefon satyjylary hem protest hereketine goşulyp, walýuta durnuksyzlygy we salgytlaryň artdyrylmagy sebäpli, öz dükanlaryny ýapypdyrlar. Читать дальше...
Tussaglykdaky rus oppozisiýa syýasatçysy Alekseý Nawalny jeza koloniýasyndan has berk düzgünli türmä geçirildi. Nawalny 15-nji iýunda özüniň Telegram kanalynda Melehowo şäherindäki 6-njy belgili Düzediş koloniýasyna geçirilendigini, şeýle-de häzir ol ýerde karantinde saklanýandygyny aýtdy. Mundan öň, Kreml tankytçysynyň metbugat wekili Nawalnynyň Melehowadaky koloniýadadygyny mälim edipdi. Mundan bir gün öň, Nawalnynyň ençeme aýlap saklanan koloniýasynyň wekilleri aýdyňlaşdyrmazdan onuň başga bir ýere geçirilendigini mälim etmeginden soň... Читать дальше...