Новости за 26.10.2020

(Казан, 26 октябрь, «Татар-информ»). Буа районының Исаково авыл җирлегендә балалар өчен яңа универсаль мәйданчык барлыкка килде. Бу хакта Буа районы матбугат хезмәте хәбәр итә. Уен һәм спорт җиһазлары булган объект Буа якташлык җәмгыяте инициативасы белән төзелгән. Биредә балалар ясалма газонлы мәйданчыкта футбол белән шөгыльләнә, таганда атына алачак. Шулай ук башка спорт һәм уен җиһазлары да бар. «Мәйданчык универсаль, ел дәвамында авыл балаларының һәм яшьләренең актив ялын оештырырга мөмкинлек бирә», диелгән хәбәрдә. Читать дальше...

(Казан, 26 октябрь, «Татар-информ»). Яшел Үзәндә, Энгельс урамындагы 1нче поликлиника ишегалдында мобиль флюорография кабинеты эшли башлады. Бу турыда «Зеленодольская правда» хәбәр итә. Элек гражданнарны Үзәк район хастаханәсенең терапевт корпусында кабул иткәннәр, ләкин зур ихтыяҗ аркасында аны яңа урынга күчерергә булганнар. Мобиль кабинет эшчәнлеге кешеләр агымына бәйле булачак. Кешеләр эш көннәрендә иртәнге сигездән көндезге сәгать икегә кадәр электрон язылу буенча кабул ителәчәк. Шәһәрдә яшәүчеләр... Читать дальше...

(Казан, 26 октябрь, «Татар-информ»). Татарстанның Алексеевск районы Сакон авылында Чулман елгасына балык җибәрү буенча экология акциясе узды. Бу хакта «Заря» газетасы яза. Арча балык хуҗалыгында үстерелгән 1,5 мең толстолобик һәм 500 сазан маймычларын елгага җибәрделәр. Балыкны махсус цистернада алып кайтканнар. Дулкын берничә дистә маймычны ярга чыгарды. Татарстан Биоресурслар буенча дәүләт комитеты инспекторлары аларны тотып алып янә суга җибәрде.

(Биектау, 26 октябрь, «Татар-информ», « Биектау хәбәрләре », Галия Илдарова). Биектауда яшәүче Владимир Балымов үзе яшәгән йорт янындагы яшел «утрау»ны юкка чыгарудан саклап калган. Моңа ничек ирешүен пенсионер үзе сөйләде. Бу турыда район басмасы хәбәр итә. Владимир Балымов парк тарихы турында күз яшьләре катыш искә ала. Ярты елга якын берүзе яшел «утрау”ны сатып җибәрүгә каршы көрәшкән ул. Әлеге җирне сатарга җыенулары турында очраклы гына интернеттан белеп алган һәм яңа хуҗалар белән очрашуны көткән. Читать дальше...

Сарански шәһәре Пролетар районы мәхкәмәсе Мордовия мөфтие Зәки Айзатуллинны экстремист әдәбият таратуда гаепле дип таныган. Мөфтият 100 мең сум штрафка тартылган. Мөфтинең үзенә дә 2 мең сум күләмендә штраф җәзасы бирелгән.