Новости за 29.01.2026

Түбән Камада Муса Җәлил исемендәге 1 нче гимназиядә капиталь ремонт башланды. Хәзерге вакытта эшләр комплексы 11 процентка башкарылган, дип хәбәр итә ТР Төзелеш Министрлыгы матбугат хезмәте.

«Научный прорыв. Фәнни алга китеш» премиясе лауреатларын 11 февральдә бүләкләячәкләр. Бу хакта ТР Фәннәр академиясендә хәбәр иттеләр.

ТР Тарифлар буенча дәүләт комитеты рәисенең беренче урынбасары Лариса Хәбибуллина «Батырлар. Татарстан Геройлары» программасына катнашучы Егор Горячев белән очрашты. Очрашуда аның һөнәри үсеше һәм тарифларны дәүләти җайга салу өлкәсендәге эше турында сөйләштеләр.

Башкортстанда «Кече Ватан – Россиянең көче» III Бөтенроссия муниципаль форумының «Муниципаль үсеш: үсешнең яңа драйверлары» төбәк көне узды. Бу хакта Бөтенроссия җирле үзидарәне үстерү ассоциациясе матбугат хезмәте хәбәр итә.

Автокала мэры Наил Мәһдиев «Чаллы шәһәренә – 400 ел» истәлек билгесен гамәлгә кую турындагы карарны имзалады. Документ Татарстан Республикасы хокукый мәгълүмат порталында урнаштырылган.

Аномаль салкын һава торышыннан соң Татарстан Республикасы көнбатыш циклон атмосфера фронтлары йогынтысына дучар булды. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Сарман районында мунча хуҗасы хөкем ителгән, анда бала канализация люгына төшеп үлгән. Суд аны имин булмаган хезмәтләр күрсәтүдә гаепле дип тапты, дип хәбәр итә ТР прокуратурасы матбугат хезмәте.

Актер һәм кинорежиссер Джеки Чан IT-парк резиденты аша Татарстан Рәисе Рөстәм Миңнехановка үзенең автографы куелган китап тапшырды. Бу хакта журналистларга ТР Дәүләт идарәсен цифрлы нигездә үстерү, мәгълүмати технологияләр һәм элемтә министры урынбасары Булат Габдрахманов сөйләде.

«Бердәм Россия» партиясе мәгариф учреждениеләрен капиталь ремонтлау һәм төзү темасына зур игътибар бирә. Бу хакта Партиянең Татарстан төбәк бүлеге секретаре, ТР Дәүләт Советы Рәисе Фәрит Мөхәммәтшин мәктәпләр, балалар бакчалары һәм көллиятләрне капиталь ремонтлау, шулай ук гомуми белем бирү һәм мәктәпкәчә оешмаларны төзү программасын гамәлгә ашыру буенча федераль штаб утырышында шул хакта хәбәр итте.

Татарстан Республикасы 2025 елда торак файдалануга тапшыру буенча лидерлар рәтенә керде. Бу хакта РФ Хөкүмәте Рәисе урынбасары Марат Хөснуллин хәбәр итте.

Татарстан Республикасы Рәисе Рөстәм Миңнеханов Татарстан Республикасы «Динамо» физкультура-спорт җәмгыяте оешуга 100 ел тулуга багышланган тантаналы чарада җәмгыятьне «Татарстан Республикасы алдындагы казанышлар өчен» ордены белән бүләкләде.

РФ Федераль Җыены Федерация Советы Рәисе Валентина Матвиенко ТР Дәүләт Советы Рәисе Фәрит Мөхәммәтшинга II дәрәҗә «Ватан алдындагы казанышлар өчен» орденына лаек булуы уңаеннан котлау телеграммасы юллады. Бу хакта ТР Дәүләт Советы матбугат хезмәте хәбәр итә.

Бүген Галиәсгар Камал исемендәге Татар дәүләт академия театрында Татарстан Республикасы «Динамо» физкультура-спорт җәмгыяте оешуга 100 ел тулуга багышланган тантаналы чара узды.

Фото: «Татар-информ»

Пәнҗешәмбе, 29 гыйнварда, Казанны 9 баллы бөкеләр хасил булды, диелә «Яндекс Карты» сервисы мәгълүматларында.

Кичкә таба үзәктә, шулай ук шәһәрдән төп чыгу юлларында традицион тоткарлыклар барлыкка килде.

Казанда Татарстан халыклары Ассамблеясы президиумының киңәйтелгән утырышы һәм республиканың милли-мәдәни берләшмәләре җитәкчеләре катнашында түгәрәк өстәл узды. Дәүләт Советы Рәисе, Татарстан халыклары Ассамблеясы Рәисе Фәрит Мөхәммәтшин үткәргән чарада профильле министрлыклар һәм ведомстволар, башкарма, күзәтчелек һәм хокук саклау органнары вәкилләре катнашты, дип хәбәр итә ТР Дәүләт Советы матбугат хезмәте.

Казанның Яңа Савин район судында исерек килеш рульгә утырган өчен кабат тоткарланган машина йөртүчегә карата хөкем карары чыгарылды. Бу хакта «Татар-информ» агентлыгына судның матбугат хезмәтендә хәбәр иттеләр.

Татарстан дәүләт идарәсен цифрлы нигездә үстерү, мәгълүмати технологияләр һәм элемтә министры Илья Начвин «Татар-информ» агентлыгының Казан метрополитенында Wi-Fi челтәрләрен үстерәчәкләрме дигән соравына җавап бирде.

Татарстан Рәисе Рөстәм Миңнеханов Бәшир Рәмиев исемендәге IT-паркта республика Дәүләт идарәсен цифрлы нигездә үстерү, мәгълүмати технологияләр һәм элемтә министрлыгының йомгаклау коллегиясе утырышында MAX мессенджеры турында үз фикерен белдерде.

«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.

Татарстан Рәисе Рөстәм Миңнеханов Бәшир Рәмиев исемендәге IT-паркта республика Дәүләт идарәсен цифрлы нигездә үстерү, мәгълүмати технологияләр һәм элемтә министрлыгының йомгаклау коллегиясе утырышында ТР Премьер-министры урынбасары – ТР Министрлар Кабинеты Аппараты җитәкчесе Шамил Гафаровка 2030 елга кадәр ясалма фәһемне үстерү буенча республика программасын кабул итүне йөкләде.

Татарстаннан махсус хәрби операциядә катнашучыларның шәхси архивлары аерым игътибар таләп итә. Бүген ТР Премьер-министры урынбасары Ләйлә Фазлыева ТР Архив эше буенча дәүләт комитетының йомгаклау коллегиясендә шул хакта хәбәр итте.

Актер һәм кинорежиссер Джеки Чан Татарстан Рәисе Рөстәм Миңнехановка бүләк итү өчен китабына автограф куйды һәм аңа сәлам җиткерүләрен сорады. Бу хакта ТР Рәисенең матбугат хезмәте җитәкчесе Лилия Галимова хәбәр итте.

Башка төбәкләрдә эзләүдә булган 11 җинаятьчене Татарстанда тоткарлаганнар. Җәзаларны үтәтү федераль хезмәтенең ТР буенча идарәсе хезмәткәрләре Оренбург өлкәсе, Башкортстан һәм Удмуртиядәге коллегаларына ярдәм иткән.

Татарстанда 2026 елга фермер хуҗалыкларына 488 миллион сумлык ярдәм күрсәтү планлаштырылган. Узган елга караганда, бу 163 миллион сумга күбрәк. «Бизнес-проектлар һәм гаризалар бирүгә әзерләнергә кирәк», - диде ТР Премьер-министры урынбасары – авыл хуҗалыгы һәм азык-төлек министры Марат Җәббаров Татарстанның фермерлар, шәхси ярдәмче хуҗалыклар һәм авыл хуҗалыгы кооперативлары ассоциациясе утырышында.

Казанда волонтерлар 20 яшьлек Әминә Харитонованы эзли. Кыз 24 гыйнварда эзсез югалган. Бу хакта «ЛизаАлерт» эзләү-коткару отрядында хәбәр иттеләр.