Новости за 30.01.2026

Автомәктәпләрдә практик дәресләр санын арттырачаклар, ә укуның теоретик өлешен онлайн-форматта узарга рөхсәт итәчәкләр. 1 марттан автомәктәпләрдә тагын нинди үзгәрешләр гамәлгә керәчәк. Бу хакта тулырак - «Татар – информ» агентлыгы материалында.

Татарстанда 1955 елгы «Победа» автомобиле сатуга куелган. 55 мең чакрым йөргән машинаны 3,9 миллион сумга саталар.

Татарстан Республикасы Рәисе Администрациясе җитәкчесе, ТР «Динамо» физкультура-спорт җәмгыяте рәисе Әсгать Сәфәров ТР «Динамо» физкультура-спорт җәмгыятенең 100 еллыгына багышланган чараның тантаналы өлешендә ТР Президенты Рөстәм Миңнехановка мөрәҗәгать итте.

​​​​​​​Татарстан цифрлаштырылган архив эшләре күләме буенча Идел буе федераль округында алдынгы урында тора.

28-29 гыйнвар көннәрендә Казанда республикакүләм «Татар кызы – 2026» бәйгесенең ярымфиналы узды. Анда катнашкан 20 ярымфиналист арасыннан 12 кыз финалга сайлап алынды.

Бүген, 30 гыйнварда, Татарстанда болытлы һава торышы көтелә, дип хәбәр иттеләр ТР Гидрометеорология һәм әйләнә-тирә мохитне күзәтү идарәсендә.

Мөслимдә «Кешеләр һәм технологияләр» фотокүргәзмәсе ачылды. Фотопроект быел икенче мәртәбә тормышка ашырыла. Проект авыл хуҗалыгының югары технологияле булуына бер дәлил булып тора, дип яза «Мөслим» сайты.

«Тукай» совхозы буларак озак еллар дан тоткан Саклаубаш авыл җирлегендә җыен рәхмәт, хөрмәт сүзләренә бай булды. Халык белән очрашуда район башлыгы Фәрит Хөснуллин катнашты. Бу хакта «Сарман» газетасы яза.

Әлмәт муниципаль районы башлыгы Гүзәл Хәбетдинова халыкка гражданнарга үзара салым буенча республика программасы мөмкинлекләрен актив кулланырга өндәде. Аның сүзләренә караганда, Татарстанда 2014 елдан гамәлгә ашырыла торган әлеге механизм территорияләрне үстерүдә һәм төзекләндерүдә халыкның турыдан-туры катнашуының иң нәтиҗәле инструментларыннан берсе булып тора.

«Ватанны саклаучылар» фондының Түбән Кама филиалы махсус хәрби операция ветераннарына һәм аларның гаилә әгъзаларына һәрьяклап ярдәм күрсәтүен дәвам итә.