Элвин Грей Мәскәүдә 7 мең кешелек залда концерт куйды
(Казан, 1 март, «Татар-информ»). 29 февральдә Башкортстанның атказанган артисты, җырчы Элвин Грей Мәскәүдә 7300 тамашачы сыя торган Крокус Сити Холлда чыгыш ясады. Бу турыда «Башинформ» хәбәр итә.
Артист тулы залны диярлек җыя алган. Ул Мәскәү тамашачысына яңа концерт программасын тәкъдим итте, шулай ук соңгы еллар хитларын һәм аның иҗатын яратып тыңлаучылар ошаткан яңа композицияләрне башкарды.