«ТАССРның 100 еллыгы» сайтының дизайны яңартылды
(Казан, 3 март, «Татар-информ»). ТАССР төзелүнең 100 еллыгына багышланган Татарстан сайтында дизайн яңартылды.
Яңартулар килүчеләргә электрон ресурска тизрәк җайлашырга ярдәм итәчәк. Яңа бүлекләр барлыкка килде, ә төп биттә хәзер материаллар тагын да күбрәк тәкъдим ителгән.
Шулай ук электрон ресурсның мобиль версиясе дә күпкә кызыклырак ителгән. Шулай итеп, хәзер көн саен яңалыклар кызыклы тарихи фактлар белән бергә бара, алар шулай ук яңалыклар рәвешендә тәкъдим ителә.
Тарих белән актив кызыксынучылар өчен «Татар дөньясы» бүлеге булдырылды. Конкурс яратучыларның үз контентын йөкләү мөмкинлеге барлыкка килде, бу айфон отарга теләгән кешеләр өчен бик актуаль — «ТАССРның 100 еллыгы» сайтында «Үзеңне республика тарихында тап һәм айфон от» конкурсы старт ала.
«Тарих этаплары» бүлеге ТАССР тарихын унъеллык чорларга бүлә, бу да кирәкле материаллар эзләгәндә бик уңайлы.
«100 иң-иңнәр...» бүлеге Татарстан турында йөз тарих сөйләячәк, республикада йөз иң гаҗәеп урын күрсәтәчәк, сайттан кулланучыларны йөз уникаль музейга җибәрәчәк һәм күренекле татарстанлылар белән таныштырачак.