Гидрометеорология үзәге белгечләре Татарстанда апрельнең аномаль җылы булачагын әйтә

(Казан, 23 март, «Татар-информ»). Быел Татарстанда апрель һәм сентябрь айларында аномаль җылы һава торышы көтелә.

Республиканың Гидрометеорология үзәге шундый фаразлары белән уртаклашты.

Киләсе айда Татарстанда һава температурасы нормасы 4,4 градус җылы, ә сентябрьдә 11 градус тәшкил итәчәк.

Майдан августка кадәр температура нормага якын булачак — 13; 16,9; 19, 1 һәм 16,8 градус.

Моннан тыш, апрель явым-төшемнәргә бай булмаячак, аларның нормадан кимрәк булуы көтелә. Май–октябрь айларында әлеге күрсәткечнең норма тирәсендә булуы фаразлана.