Минзәлә гимназиясе укучылары Россиякүләм конкурста 1 урынны яулады
Минзәлә гимназиясе укучылары Айнар Хәлиуллин (9нчы сыйныф), Камилә Галиева, Самира Зарипова (7нче сыйныф укучылары, «Уен» хореографик ансамбле солистлары) «Solo Dance Chelny» Бөтенроссия классик, халык, сәхнә, заманча, эстрада биюләре солистлары конкурсында катнашты.
«Минзәлә-информ» хәбәр иткәнчә, Чаллыда узган әлеге бәйгедә Камилә һәм Самира халык-сәхнә биюе номинациясендә урта яшьтәгеләр төркемендә «Әбием сандыгы» номерын, ә Айнар - шушы ук номинациядә олы яшьтәгеләр төркемендә «лезгинка» биюен тәкъдим итте. Нәтиҗәдә, алар 1нче дәрәҗә лауреат исемнәрен яулады.