Расман! Сергей Лушчан «Суғдиёна» бош мураббийи
Аввалроқ, Жиззахнинг “Суғдиёна” клуби бош мураббийи Александр Мочинов истеъфога чиқарилгани ҳақида хабар берган эдик.
Бугун, 7 апрель куни “Сўғдиёна” клуби раҳбарияти тажрибали мураббий Сергей Иванович Лушчан билан келишувга эришди. Бу ҳақда клуб Матбуот хизмати хабар бермоқда.
Маълумот учун, Сергей Лушчан мураббийлик фаолиятини 2011 йил “Бунёдкор” ёшлар клубида бошлаган. 2014 йил Ўзбекистон U-19 терма жамоасида бир мавсум ишлаган. Бундан ташқари, “Бунёдкор” клубининг асосий таркибини уч йил давомида бошқарган.
Эндиликда “Суғдиёна” Лушчан қўл остида Суперлиганинг келаси ўйини “Навбаҳор”га қарши тайёргарлик кўради.
Манба: www.uff.uz