Жанубий Корея президенти АҚШ Конгрессини «аҳмоқлар» деб атади, бу тасодифан микрофон орқали янграб кетди — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: Reuters Жанубий Корея телеканалларидан бири мамлакат президенти Юн Сок Ёлнинг АҚШ конгрессига қаратилган ҳақоратли ибораси эшитилиб қолган видеони эълон қилди, деб ёзади The Washington Post. Бу пайтда сиёсатчи БМТ Бош ассамблеясида қатнашиш учун Нью-Йоркка келган эди. Унинг айнан шу гапи жамоатчиликка қаратилмаган, балки тасодифан микрофон орқали янграб кетган эди. Ундан сал аввалроқ Жанубий Корея президенти АҚШ президенти Жо Байден билан Нью-Йоркда Захираларни тўлдириш бўйича глобал фонд анжуманида учрашганди. Байден бутун дунёда ОИТС, туберкулёз ва малярияга қарши курашувчи жамоатчилик соғлиғини сақлаш кампаниясига АҚШ номидан 6 миллиард доллар ажратишга ваъда берди. Бироқ ушбу молиявий кўмак Конгресс томонидан тасдиқланиши керак. «Агар бу аҳмоқлар уни Конгрессда тасдиқламаса, Байденни ерга урган бўлади» — Юн Сок Ёлнинг ўз ёрдамчилар гуруҳига қарата айтилган ушбу гапи улар тадбирни тарк этиш чоғида микрофон орқали эшитилиб қолган. Бироқ Жанубий Корея президенти офиси Юннинг бу гапи АҚШ ҳақида бўлганини рад этди. Президент матбуот котиби айтишича, Юн Байденнинг исмини тилга олмаган ва умуман бутун гап ҳам нотўғри таржима қилинган. АҚШ президентининг миллий хавфсизлик бўйича маслаҳатчиси вакили тасодифан микрофон орқали эшитилиб қолган гапларни изоҳламаслигини айтди. «Бизнинг Корея Республикаси билан алоқаларимиз мустаҳкам ва ривожланмоқда, — дейилади баёнотда. — Президент Байден президент Юнни ўзининг асосий иттифоқчиси деб билади. Икки етакчи БМТ Бош Ассамблеяси доирасуда яхши ва сермаҳсул учрашув ўтказди». Юн Сок Ёль май ойида Жанубий Корея президенти лавозимига киришган. Бунга қадар у ҳеч қачон сайлаб қўйиладиган лавозимни эгалламаган ва ташқи сиёсатда ҳам тажрибага эга эмас.