АҚШнинг энг сахий миллиардерлари маълум қилинди (фото) — Бизга қўшилинг: ???? https://t.me/joinchat/AAAAADwt0NGCRoONT4f1_Q
АҚШдаги энг бадавлат одамларнинг чўнтаклари чуқур, лекин бу улар пулларини хайрия учун осонгина сарфлашларини билдирмайди, деб ёзади Forbes. Нашр миллиардерларнинг қанчалик сахийлигини аниқлаш учун уларни бешта тоифага – маблағининг 1 фоиздан кам қисмини хайрия учун сарфлаганлардан 20 фоиздан ортиғини сарфлаганларга ажратди. Энг бой 400 нафар америкаликларнинг аксарияти биринчи ёки иккинчи тоифага киритилди, яъни бойлигининг 5 фоиздан кам қисмини хайрияга ажратган. Фақат 9 нафар миллиардер 20 фоиздан ортиқ бойлигини хайрияга сарфлаган. Фото: Getty Images Билл Гейтс Билл ва Мелинда Гейтс фондига 20 млрд доллар ажратган. Яна бир миллиардер Маккензи Скотт Planned Parenthood ва Boys & Girls Club of America ташкилотларига мос равишда 275 млн ва 281 млн доллардан ажратган. Энг сахий миллиардерлар рейтингида Жорж Сорос етакчилик қилмоқда: у 18,1 млрд доллар маблағини хайрияга берган, бу унинг ҳозирги активлари миқдоридан қарийб уч бараварга кўп. Фото: Getty Images Бойлигининг 1 фоиздан кам қисмини хайрия қилганлар: Tesla асосчиси Илон Маск, Google асосчиси Ларри Пейж ва яна 142 киши. Фото: Getty Images Бойлигининг 1 фоиздан 4,99 фоизгача қисмини хайрия қилганлар: Google асосчиси Сергей Брин, Amazon асосчиси Жефф Безос ва яна 118 киши. Фото: Getty Images Бойлигининг 5 фоиздан 9,99 фоизгача қисмини хайрия қилганлар: Facebook асосчиси Марк Цукерберг, миллиардер-брокер Чарлз Шваб ва яна 52 киши. Фото: Bonnie Cash - Pool via CNP Бойлигининг 10 фоиздан 19,99 фоизгача қисмини хайрия қилганлар: Ню-Йорк собиқ мэри Майкл Блумберг, инвестор Жим Саймонс ва яна 16 киши. Фото: Getty Images Бойлигининг 20 фоиз ва ундан ортиқ қисмини хайрия қилганлар: Жорж Сорос, Билл Гейтс, Мелинда Френч Гейтс, Маккензи Скотт, Уоррен Баффет, Гордон Мур, кичик Амос Ҳостеттер, Линн Шустерман ва Жон Арнолд.