ЖЧ—2022. Марокаш терма жамоаси Бельгияни таслим этиб, гуруҳ пешқадамига айланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Футбол бўйича ЖЧ—2022 2-турида Бельгия ва Марокаш терма жамоалари 27 ноябрь, якшанба куни ўзаро тўқнаш келди. Учрашувнинг биринчи бўлими тенг курашлар остида ўтди, бироқ дарвозалар дахлсиз қолди. 73-дақиқада Абдулҳамид Сабири жарима зарбасини муваффақиятли ижро этган ҳолда, марокашликларни олдинга олиб чиқди. Ҳакам томонидан қўшиб берилган дақиқаларда Закариё Абуҳлол ҳисобни ишончли кўринишга келтириб қўйди. Шу тариқа Марокаш очколарини 4 тага етказиб олган ҳолда гуруҳ пешқадамига айланди. Бельгияда уч очко бор. Хорватия (1) ва Канада (0) терма жамоалари 27 ноябрь куни ўзаро тўқнаш келади. Бельгия — Марокаш 0:2 Голлар: 0:1 – 73 Сабири, 0:2 – 90+2 Абуҳлол. Бельгия: Куртуа, Мене (Лукаку, 81), Вертонген, Алдервейрелд, Кастань, Витцель, де Брюйне, Торган Азар (Троссард, 74), Онана (Тилеманс, 60), Эден Азар (Мертенс, 61), Бацҳуайи (де Кетеларе, 75). Марокаш: Муҳаммади, Ҳакими (Аттийят-алла, 68), Саисс, Агерд, Мазрови, Амрабат, Амалла (Сабири, 68), Унаи (Ал-Ямик, 78), Зиёш, Буфаль (Абуҳлол, 73), Ан-Несири (Амдалла, 73). Огоҳлантириш: Онана (29).