Италиялик мухлислар Шомуродовни муҳокама қилмоқда: яхши гап ҳам, танқид ҳам етарли! — Бизга қўшилинг: ???? https://t.me/joinchat/AAAAADwt0NGCRoONT4f1_Q
Элдор Шомуродов Италиядаги тўртинчи жамоаси – “Кальяри”даги фаолиятини бошлаб юборди. А Сериянинг дастлабки учта ўйинида легионеримиз жами 79 дақиқа тўп тепди. Шунингдек, Италия кубогида ярим соатдан кўпроқ ҳаракат қилди.
Ўзбекистонлик форвард ҳали бирор самарали ҳаракатни амалга оширгани йўқ. Мутахассислар 28 ёшли футболчи спорт формасини тўлиқ тиклаб олишга улгурмаганини таъкидлаяпти. Шунга қарамай, https://www.calciocasteddu.it сайтида “Кальяри” мухлислари Элдор Шомуродов трансфери кенг муҳокама қилмоқда.
Sports.uz портали ўзбекистонлик футбол ишқибозлари эътиборига италиялик фанатларнинг фикр-мулоҳазаларини ҳавола этади.
Лурас:
Хафа бўлманглар, ёздаги учта трансфер – Элдор Шомуродов, Якуб Янкто ва Гаэтано Ористанио ўзини умуман оқлагани йўқ.
Алексис:
Назаримда Элдор “Кальяри”га мос эмас. Ҳамма мақтаган салоҳиятни кўрганим йўқ.
Фтанк:
Раньери Шомуродовни “Кальяри”да кўришни истаган эди. Энди бу қароридан пушаймон бўлса керак.
Мортимермаус:
Шомуродов яхши ҳужумчи. Унинг истеъдодига шубҳа қилмайман. Ҳозирча, спорт формасини кўтара олгани йўқ. Раньери бу жараённи тезлаштириш учун уни майдонга туширяпти.
Фабрицио:
Шомуродов зерикарли ўйин давомида бир жуфт ёрқин ҳаракатларни ҳам қилди. Агар жисмоний тайёргарлиги жойида бўлса, Элдор тезкор футболчига айланади.
Роб:
Шомуродовнинг жисмоний ва психологик аҳволи расво эканини ҳам инобатга олиш керак.
Массимилиано Росси:
Агар биз сабрсизлик билан Шомуродов фаолиятига чизиқ тортиб қўймасак, Элдор ҳали жамоага ўз ҳиссасини қўшади. Танқидлар билан унга ёрдам беролмаймиз.
Альберто Антонини:
Тез кунларда Ўзбекистон миллий терма жамоаси АҚШ ва Мексика билан иккита ўртоқлик учрашувини ўтказади. Элдор Шомуродов бу ўйинларда гол уришига умид қиламиз. Ахир у терма жамоада мунтазам тўп киритиши одатга айланган. Шу сабаб, клубдаги ўйини ҳам очилиб кетишидан умидвормиз. Олға Элдор, бизга ёрдаминг керак!
Франческо Мартинетти:
Ҳамма Шомуродовга шубҳа билан қараяпмиз. Лекин унинг ўзи жамоага келганида жисмоний тайёргарлиги ёмон эканидан огоҳлантирган эди. Турли хулоса ва рад этувчи фикрлар билдиришдан олдин, озгина мантиқан ўйлаш халақит бермасди. Менимча, ҳақиқий баҳони камида ўнта учрашувдан кейин берсак тўғри бўлади.
[/allow-turbo] Спорт Shuhrat Tue, 05 Sep 2023 00:29:24 +0500