Кремлда Путиннинг янги муддатга номзодини кўрсатиш стратегияси аллақачон ишлаб чиқилган
Кремлда Путиннинг янги муддатга номзодини кўрсатиш стратегияси аллақачон ишлаб чиқилган. Президент маъмурияти Путиннинг президентликка номзодини кўрсатиш икки босқичда амалга оширилиши режалаштирилганини тасдиқлади, деб ёзади “Коммерсант” манбаларига таяниб.
Давлат раҳбари янги муддатни қабул қилишга розилигини ошкора эълон қиладиган биринчи босқич ноябрь ойига мўлжалланган, ундан олдин давлат раҳбари иштирокида бир қанча тадбирлар ўтказилиши режалаштирилган.
Иккинчи босқичда, Путин номзодини қўллаб-қувватлаш учун имзолар тўплаш режалаштирилган.
“Тарғибот кампанияси қанча қисқа бўлса, номзод учун шунча яхши. Булар сиёсий технологиянинг асослари. Бунда янгилик йўқ”, деди аввалроқ “Газета.Ру”нинг Кремлнинг амалдаги ички сиёсий блоки билан ишлаган суҳбатдошларидан бири.
Президент маъмурияти ҳукмрон “Ягона Россия” партиясининг декабрь ойида бўлиб ўтиши режалаштирилган қурултойида Путин номзодини кўрсатиш вариантини ҳам кўриб чиқади.
Бироқ Фуқаролик жамиятини ривожлантириш жамғармаси раҳбари Константин Костин “Газета.Ру” билан суҳбатда партиядан Путин номзоди кўрсатилиши маълум камчиликлардан холи эмаслигини таъкидлади. Хусусан, экспертнинг таъкидлашича, бу «тартибни соддалаштиради, лекин сайлов базасини торайтиради».