Ҳусановнинг “Лилль”га қарши ўйини қандай баҳоланди? — Бизга қўшилинг: ???? https://t.me/joinchat/AAAAADwt0NGCRoONT4f1_Q

Франция чемпионатининг саккизинчи турини ўзбекистонлик футбол ишқибозлари алоҳида эътибор билан кузатди. Лига 1даги ягона вакилимиз Абдуқодир Ҳусанов иккинчи учрашувини ўтказди. “Ланс” бош мураббийи Франк Хейз “Лилль”га қарши кечган баҳсда 19 ёшли марказий ҳимоячини яна бошланғич таркибда майдонга туширди. Беш кун олдин УЕФА Чемпионлар лигасида “Арсенал”ни 2:1 ҳисобида мағлубиятга учратган лансликлар чемпионат ўйинида бироз қийналди. Биринчи бўлим охирида гол ўтказиб юборган “Ланс” ўйиннинг иккинчи ярмида Дейвер Мачадонинг аниқ зарбаси эвазига мағлубиятдан қутилиб қолди – 1:1. Франция футболини ёритиб бораётган https://www.lensois.com сайти экспертлари “Ланс” таркибида ушбу баҳсда энг яхши ва энг ёмон ўйин кўрсатган учтадан футболчининг номини аниқлади. Энг яхши ўйинчилар: Дейвер Мачадо Майдонга тушиши билан Дейвер Мачадо боши билан аниқ зарба берди. Бу унинг мавсумдаги учинчи голи. Мачадо вазиятни ўзгартириш учун чап қанотдан ҳужумга зўр беришга ҳаракат қилди. У Пшемислав Франковскининг аниқ пасини зое қилгани йўқ. Абдуқодир Ҳусанов Бу гал Абдуқодир Ҳусанов “Мец”га қарши ўтказилган дебют учрашувида кўрсатган ўйинидек ёрқин ўйнади, деб бўлмайди. Лекин унинг ушбу дерби тонусига тез қўшилиб кетганини кузатиш қизиқ. Ўз ўрнида мустаҳкам турди, мураккаб вазиятларда ўзини йўқотиб қўйгани йўқ. Айрим ҳолатларда бироз аниқлик етишмади холос. Пшемислав Франковски Франковски жамоадоши Дейвер Мачадо майдонга тушиши билан ўнг қанотга кўчиб ўтди. Бунгача чап қанотда рақиб ҳужумкор футболчиси Жегровага қарши ўйнашда анча тер тўкишига тўғри келганди. Қанотни алмаштириши билан Мачадога голли пас узатди. Энг ёмон ўйинчилар: Брис Самба “Ланс” посбони “Лилль” футболчиси Бенжамин Андренинг зарбасини қайтара олмади. У тўпнинг траекториясини аниқлашда хатога йўл қўйди. Энди Диуф У атрофдагиларга берган ваъдаларини бажариб, ўзини кўрсатишини яна бир кутишга тўғри келади. Майдон марказида ўз жойини ҳали ҳам топа олгани йўқ. Рақиб дарвозаси томон жуда кам зарба беряпти. Анжело Фульжини Фульжини учрашувни жуда яхши бошлади. Лекин стандарт вазиятлардаги ноаниқ тўп узатишлари ижобий кўрсаткичларини тўсиб қўйди. Кейинчалик ҳаракатлари ҳам сустлашиб қолди. [allow-turbo]

Франция чемпионатининг саккизинчи турини ўзбекистонлик футбол ишқибозлари алоҳида эътибор билан кузатди. Лига 1даги ягона вакилимиз Абдуқодир Ҳусанов иккинчи учрашувини ўтказди.

“Ланс” бош мураббийи Франк Хейз “Лилль”га қарши кечган баҳсда 19 ёшли марказий ҳимоячини яна бошланғич таркибда майдонга туширди.

Беш кун олдин УЕФА Чемпионлар лигасида “Арсенал”ни 2:1 ҳисобида мағлубиятга учратган лансликлар чемпионат ўйинида бироз қийналди. Биринчи бўлим охирида гол ўтказиб юборган “Ланс” ўйиннинг иккинчи ярмида Дейвер Мачадонинг аниқ зарбаси эвазига мағлубиятдан қутилиб қолди – 1:1.

Франция футболини ёритиб бораётган https://www.lensois.com сайти экспертлари “Ланс” таркибида ушбу баҳсда энг яхши ва энг ёмон ўйин кўрсатган учтадан футболчининг номини аниқлади.

Энг яхши ўйинчилар:

Дейвер Мачадо

Майдонга тушиши билан Дейвер Мачадо боши билан аниқ зарба берди. Бу унинг мавсумдаги учинчи голи. Мачадо вазиятни ўзгартириш учун чап қанотдан ҳужумга зўр беришга ҳаракат қилди. У Пшемислав Франковскининг аниқ пасини зое қилгани йўқ.

Абдуқодир Ҳусанов

Бу гал Абдуқодир Ҳусанов “Мец”га қарши ўтказилган дебют учрашувида кўрсатган ўйинидек ёрқин ўйнади, деб бўлмайди. Лекин унинг ушбу дерби тонусига тез қўшилиб кетганини кузатиш қизиқ. Ўз ўрнида мустаҳкам турди, мураккаб вазиятларда ўзини йўқотиб қўйгани йўқ. Айрим ҳолатларда бироз аниқлик етишмади холос.

Пшемислав Франковски

Франковски жамоадоши Дейвер Мачадо майдонга тушиши билан ўнг қанотга кўчиб ўтди. Бунгача чап қанотда рақиб ҳужумкор футболчиси Жегровага қарши ўйнашда анча тер тўкишига тўғри келганди. Қанотни алмаштириши билан Мачадога голли пас узатди.

Энг ёмон ўйинчилар:

Брис Самба

“Ланс” посбони “Лилль” футболчиси Бенжамин Андренинг зарбасини қайтара олмади. У тўпнинг траекториясини аниқлашда хатога йўл қўйди.

Энди Диуф

У атрофдагиларга берган ваъдаларини бажариб, ўзини кўрсатишини яна бир кутишга тўғри келади. Майдон марказида ўз жойини ҳали ҳам топа олгани йўқ. Рақиб дарвозаси томон жуда кам зарба беряпти.

Анжело Фульжини

Фульжини учрашувни жуда яхши бошлади. Лекин стандарт вазиятлардаги ноаниқ тўп узатишлари ижобий кўрсаткичларини тўсиб қўйди. Кейинчалик ҳаракатлари ҳам сустлашиб қолди.

[/allow-turbo] Спорт Shuhrat Mon, 09 Oct 2023 00:13:16 +0500