Финляндия аллақачон блокга қўшилди, Швеция буни режалаштирмоқда — Путин
Путин Мудофаа вазирлиги ҳайъатининг кенгайтирилган йиғилишида нутқ сўзлади.
«Энди биз НАТОнинг чегараларимизга яқинлашишининг навбатдаги босқичига гувоҳ бўламиз. Финляндия аллақачон блокга қўшилди, Швеция буни режалаштирмоқда» — деди Путин.
Россия президентининг мазкур йиғилишдаги нутқидан иқтибослар:
Ғарб ўзининг агрессив риторикасидан воз кечмаяпти. Майли, биз ҳам Махсус ҳарбий операциядаги мақсадларимиздан воз кечмаймиз;
Фронтдаги ташаббус биз томонда, биз ҳарбий ҳаракатларни ўзимизга мос келадиган тарзда олиб борамиз;
Бизни ҳарбий мағлубиятга учратиш учун қилинган барча уринишлар аскарларимизнинг жасорати ва матонати туфайли барбод бўлди;
Ғарб ҳарбий техникасининг енгилмаслиги ҳақидаги афсона барбод бўлди;
Юқори аниқликдаги снарядлар ва дронлар ишлаб чиқаришни кўпайтириш зарур, ҳаво ҳужумидан мудофаа ишлари такомиллаштиришни талаб қилади;
Биз ўзимизнинг замонавий учувчисиз учувчи қурилмаларимизни ишлаб чиқаришимиз ва бунга бизнесни жалб қилишимиз керак;
Россия армияси, шу жумладан сунъий интеллект ва янги жисмоний тамойилларга асосланган ускуналар билан жиҳозланган бўлиши керак;
Душман катта йўқотишларга дучор бўлмоқда, заҳираларни йўқотиб бўлсада, «хўжайинига» натижани кўрсатишга ҳаракат қилмоқда.